Da pynkylla ka sorkar ya ka aiñ wa yatoh wa ki mistri chynrang wa kynthai

Jowai: Ka dhab ki montri (Cabinet) ka sorkar jylla ynne ka sngi da pynkylla ki ya ki kattu katni ki bynta yong ka aiñ ki mistri wa kiwi kiwi kawa tip leh kam ka Meghalaya Building and Other Construction Workers Act, 1996.

Katkam wa pyntip u symbood montri rangbah ka jylla, u Prestone Tynsong da ong u wa ki kattu katni ki kyndon ka aiñ da pynman noh ya ki kam ka aiñ wa krehkaam chipor namo ka Ordinance.

Da pyntip u leh wa ka Meghalaya Building and Other Construction Workers Welfare Board u khlieh noh ya ka da u Principal Secretary ka chnat Labour Department wei yeini da leh katkam ka hukum yong ka yung bichaar Supreme Court.

Ka Cabinet da pdiang ko leh wow thap ya ki kattu katni ki kyndon wa thymme hapoh ka Meghalaya Building and Other Construction Workers Rules, 2008 wei kini man ki kiwa yatoh wa i pun-khon wa i kha khon ki manbei.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

“Ka aiñ warim ym em ware u klam ko hajrong ki chynrang tangwa katni ki chynrang u yoh myntoi ki leh na i kha khon (Maternity Benefits) lada ka kurim ym man ko ka dkhot yong kiwa kreh (Construction Worker),” da ong u Prestone.

Da pyntip u leh wa da rai wow e yarap chisien (one time grant) kawa T. 5000 cha kiwa da register kam ki Construction Workers wei nachwa ka sorkar jooh e ko ya kani ka poisa kam ka ram wow thied tiar.

Heijooh i por da pyntip u leh wa ki khon yong kini kiwa kreh (Registered) u yoh yarap poisa ki kawa tip leh kam ka Stipend kawa da mang katkam ki Class wa puræ ki wei daw e yarap leh wow thied ya ki kot puræ wa ki sula skur namo ka One time Grant for Books and Uniforms.

Chooh chooh da ong u wa em 42,000 – 43,000 ngut kiwa kreh (Construction Worker) kiwa da register waka sorkar hadooh ynne ka sngi.