Heiyatoh waka hukum wa da pynmih da u Deputy Commissioner ka West Jaiñtia Hills District haka 4 tarik uni u bnai yow khang ya waroh ki kari nadooh kiwa da em Curfew Pass lait noh ki kari pulit waki kari ki Magistrate wow lai ki haki sngi wa i por wa wai dukan kitæ haka Monday, Wednesday wa Saturday ha Jowai da man ko kawa da pyndam.
Ini ym mut i wa da chah ya waroh ki kari u lai ki khamtam kitu kiwa ym em yaka Curfew Pass ha kini ki sngi wa da kdaw haneiñ kamjooh ha kiwi ki sngi.
Neiliang u SP ka West Jaiñtia Hills da pyntip u wa ki pulit daw yang hi ki cha ki thaw wow psiah cha Jowai wei ym chah yaki kari wow psiah cha Jowai lada ym em ki yaka Curfew Pass.
Ya kiwa em won yaka Curfew Pass yow kit yaki mar wa emkaam (Essential Commodities) wei wow leh ya kiwi ki kaam wa ym hoi u dam (Essential Services) ym chah u psiah ki na Iawmusiang nadooh 6 waje i step hadooh 2 waje i sngi.
Ki kari wa yoh u psiah cha Iawmusiang toh du yaki kari pulit waki kari ki Magistrate.
Yaki kari Ambulance, ki Doctor lada toh iwa emkaam jhan ki (Emergency) ye ki wow psiah na Iawmusiang tangwa lada ym em Emergency ki, ym chah wow lai luti ki na Iawmusiang.
Discussion about this post