15 49.0138 8.38624 1 0 4000 1 https://wyrta.com 300 0
Advertisement ad1

Da pynkyntang ya u Puramon Kynjing kam u Dolloi wa pura ka Elaka Jowai
Ymtip mynnu u yap ka District Council : Thombor Shiwat

0 Comments
Advertisement ad1
Advertisement ad1
Advertisement ad1

Jowai : Hadien wa da jied ya u Puramon Kynjing kam u Dolloi wa pura yong ka Elaka Jowai, ynne ka sngi won da pynkyntang wei wow pynbaam smai ya oo ha ka lehniam wa da pynman ha Yung Langdoh, Loomiongkjam.

Ha chwa wow sdang ka lehniam da yoh ya ki kyntien lamkhmat na u President ka ka Seiñraij Jowai u O.R. Challam.

Advertisement ad1
Advertisement ad1

Ya ka lehniam da pyllai da u Pator ka Elaka u Raymond Nartiang. Mar ya poi u Puramon ha Yung Langdoh da kem ya oo (deiwa rah ya oo hadooh ha Dhari i Yung Langdoh) da u Sangot Paswet wa ki Wasan.

Hadien ini da e ha oo ya u Tylli u kyntien wa man kam ka dak wow ye u wow pyndep ya ka niam ka rukom, da e ya ka Phali Yuspong kawa man kam ka dak wow pynyoo ya ka maiñ u Dolloi wa u Dieñchdooh – Dieñ Synchaar uwa man kam ka dak wow pynyoo yei bor wow synchaar ya ki khon ka Elaka wei da pynsmai ya u Puramon Kynjing kam u Dolloi.

Manda dep wow baamsmai u Dolloi da e u ya u Langdoh ya ka yuspong wow man ki kam chi payu hawa kreh yei kaam wei wow ye u wow.chakri ya ka Raij Jowai katwa ha ka Langdoh da e ya ka Yusem ka Kyrchah kam ka dak wow burom ya ka kawa pait wa yoo ya ka Yung Langdoh kamjooh kawa pyntoh pyntne ya kiwa emkaam ha ka niam ka rukom, heipor wa e yeini da e u Dolloi chirup wa ki kyntien ngooh blai.

Yeini da pynbood won sa i Ngooh Duwan heiwa da embynta lang ki wasan wei da e ngooh kam ka dak wow pyntipmit u ha ki Blai ki Syiem wa oo man u kam u Dolloi wa pura ka Elaka yeiwa da e ya i thawchong ya oo hatre u Chrotskit wow man kam ka dak wow tipmit noh ya oo.

U Dolloi hei klam yong oo da ha kani ka sngi wa pynkyntang ya oo da khana u wa nachwa heipor wa dang khynnah jooh kreh u kam uwa soor sula ha Iawmusing.

Da ong u wa hadien wa khlaad syndet u Pa Dolloi warim ka Elaka u KC Rymbai da boon kiwa kynjohtien ya oo wa pynsniaw wa oo emkaam wow chim u ya ka kaam kam u Acting Dolloi iwa da pynpyrkhat ya oo wow chim ya ka kaam Elaka namo u ieh ya i kaam Sorkar, iwa oo kreh u.

“Hawa chim yeini i kaam, ymtoh kam u bru wa dap wa biang tangwa emkaam yei yachaan kylliang iwi ya iwi neibynta ka Elaka wa ka jaitbru” da ong  Dolloi.

Da ong u wa emkaam u pynwandur ya ka rukom krehkaam ka Elaka katkam ka juk kawa katni ha i thoh i taar, kamtæ emkaam u booh noh ya ki aiñ ki kaam synchaar (Customary Law) ha ki kot ki sla.

Hadien i pynkyntang ya u Dolloi da yoh yaka yalang heiwa da em ki heh sorkar, ki MDC, ki Waheh Chnong wa kiwi kiwi heiwa da yoh yei klam Pdiang burom na u Secretary ka Seiñraij Jowai, u Arwotki Sumer.

Da yoh yei klam na u Secretary ka Seiñraij Chyrmang u K. Lakiang; u Langdoh ka Raij Ialong, u M. Lyngdoh; u Adviser ka Seiñraij Tuber u S. Lyngdoh; u Secretary ka Synjuk ki Waheh Chnong Jowai, u LD Lakiang; u President ka Seiñraij Shillong u J. Pde, u President ka Seiñraij Jowai u O.R. Challam, wa kiwi kiwi.

Kiwa da klam da e khublei ki ya u Puramon Kynjing wa man kam u Dolloi wei da kyntu ki leh wa kam u Dolloi emkaam u kreh hok wei wow bichaar wow synchaar u ya ka Elaka da ki aiñ Blai.

U DC ka West Jaiñtia u R. Rapthap hei klam da ong u wa i yajan i rukom synchaar hapyrdi ki Khasi wa ki Jaiñtia man i iwa yajan bha iwa ngait wa bood ya ki aiñ blai.

U CEM ka JHADC u Thombor Shiwat hei klam yong oo da ong u wa neiliang ka District Council smat ko u krehkaam chirup wa ki Dolloi, ki Elaka, ki Chnong ki thaw.

E wa ka Elaka Jowai u man ko ka nongmuna ya kiwi ki elaka hapoh ri-loom Jaiñtia deiwa kreh hok wa kreh chitom ki Dorbar Elaka, ki Yungbichaar Elaka (Village Court), wa kiwi kiwi.

Ymtip mynnu u yap ka District Council neibhah wa boon i lut i sep hei wow pyllai ya ki elaka katwa ka poisa wa mih (revenue) won duna bha ko wei khamtam hadien wa da khang yei khayi yei chalan ya u mooyong, wa kiwi kiwi kiwi ki mar da ong u T. Shiwat.

U Kñi ka Seiñraij Jowai, u EMH Passah da pynkut u ya ka yalang da ki kyntien ekhublei.

Advertisement ad1
Advertisement ad1
Advertisement ad1

0 Comments

Leave a Reply