U Montri wa pait ya ka chnat puræ puthi ka jylla, u Lahkmen Rymbui da ong u wa ha kini ki kajiak sngi wa dadep, ka sorkar jylla dadep pynlait ko T. 60 klur neibynta wow su ya ka tulop 2 bnai yong kiwa sikai Samagra Shiksha Abhiyan (SSA).
Da ong u wa ka State Education Mission Authority of Meghalaya (SEMAM) boi da phah ko cha ki District kamwa ka sorkar da kular ko cha kiwa sikai.
Hawa kylli, neiliang u Lahkmen da ong u wa ha ka 29 tarik uni u bnai, heipor wa ki Montri ka sorkar jylla em ki ha Delhi, da yoh yutip u wa ka sorkar pyrdi daw pynlait noh ko ya ka poisa T. 68 klur wow su cha waroh kiwa sikai SSA wei manda yoh ya kani ka poisa daw ye wow su 4 bnai ka tulop kiwa sikai.
