U Montri ka chnat puræ puthi ha ka jylla, u Lahkmen Rymbui da klam che u wa ka sorkar ym em ko i thmu wow pynpsiah Deficit ya kiwa sikai Adhoc kiwa dang yakhih hadooh ynne ka sngi hapoh ka lama ka Federation of All School Teachers of Meghalaya (FASTOM).
Da ong u wa kamwa da klam hapoh ka yung dorbar mang tangka kawa dang dep, ka sorkar dang bichaar bniah ko ya i lut i sep heiyatoh wa i pynku tulop ya kiwa sikai Adhoc, heiwa da kyrpaad u ya kiwa sikai wow sñiawthooh ki yeiwa leh ka sorkar neibynta yong ki.
Kam wow kdaw heini, kiwa sikai hapoh ka Federation of All School Teachers of Meghalaya (FASTOM) da yakhih ki hadooh kini ki sngi wow dawa pynku ya ka tulop wei da maham ki wow pynjoor yei yakhih ha u Naitung (Apr) lada ka sorkar ymye ko wow e yei dawa yong ki.
