Ka phlim wa tbian namo ka Short Film wa pyrtuid “Ummat Jingieid” kawa da Direct da u Michael Myrchiang uwa man leh uwa chna phlim wa bna naam ka thaaiñ War Jaiñtia, da pynlait paidbah ka ha ka 8 tarik uni u bnai da u Vincent H Pala uwa man u MP warim ka Lok Sabha kamjooh leh u kyrtong MP ha ka Election chiteiñ samoi na ka Shillong Parliamentary Constituency uwa da yaleh na ka Indian National Congress.
Ya kani ka yalang pynlait paidbah da pynman ha chnong Bakur Dawki deiwa emlang leh u Everest Langstang, President ka War Jaiñtia Student Union, ki waheh wasian ka chnong, kiwa chah khut sñiawbha wa kiwi.
Ya kani ka phlim da riñdur hapoh chnong Bakur hi wei da ak da u Tunshaimon Syndai, u DK Ambrose Khonglah wa ka Daphishisha Pakynteiñ.
Ya kani ka phlim da pynlait hapoh ka YouTube Channel ka Calm Entertainment Production.
Discussion about this post