Hadien wa mih i piah hapoh ka Trinamool Congress (TMC) wa yahkhmat ka Mamata Banerjee, ka MP ka Party, ka Mahua Moitra ynne da beiñ ko ya ki 19 ngut ki MP kiwa da rai wow kyrchaan ya ka sorkar National Democratic Alliance (NDA) wa yahkhmat da ka BJP deiwa ong wa toh ki bru wa chukor wei emkaam u hiar chuki ki wei wow yakhun biang ki na ka BJP.
Da ong ko wa ye kini ki MP wow chah pyndam katkam ki aiñ yut seiñ namo Anti-defection heiwa katkam ka 91st Amendment ka Constitution da pyndam ko ya ki kyndon wa em i piah hapoh ka seiñ.
Chooh chooh da ong ko wa ki MP ka TMC wa chukor ymtip ki ya ka aiñ heiwa katkam ka Constitution 91st Amendment 2003 ym kheiñ de yeiwa em i piah namo wow em jar jiar ka Bloc.
Ka Moitra da ong ko wa emkaam u em 2/3 ngut ki MP na kawi ka Party chwa wow psiah seiñ ki cha kawi wei ki 19 ngut kiwa chukor toh u Resign ki wei wow yakhun ki na ka BJP.
Ini wan i hadien wa ki 19 ngut ki MP hapoh i yahkhmat ka Kakoli Ghosh Dastidar, da e chithi ki cha u Lok Sabha Speaker Om Birla wow kyrchaan ya ka sorkar NDA.
Discussion about this post