15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pynlait paidbah yaka kot Drama “Ka Puri Blei” u Hamjhan Dkhar

0 Comments
Advertisement ad1
Advertisement ad1
Advertisement ad1
Advertisement ad1

Jowai: Ka kot Drama wa da e pyrtuid “Ka Puri Blei” wa thoh da u Hamjhan H Dkhar da pynlait paidbah yaka haka 15 tarik u Thohlakhmi ha yung sah yong oo hi ha chnong Raliang West Jaiñtia Hills District hei sakhi lang ki bru waheh, kiwa sikai naki skur waphær waphær wa kiwi haka yalang wa pynlai da u Binroy Dkhar.

Kam uwa thoh hawa pynche yei yumut wei sneiñ i kroo yong ka Drama ong u, “Kani ka parom sikai ko wa toh u em i yatylli ya maya kam chi yung chisem chipayu, wow kyntu kynrong lang khnang wa ka yung ka sem u ku ko neipor cheipor, wei heijooh i por hawa em iwon iwon i yaleh i yakhun toh u em ka mynsiem næ ka thong wow lai bait chakhmat.” 

Ya kani ka kot Drama uwa thoh da riñdur u katkam i jia wa sakhiat wada jia ha chnong Raliang hei por nachwa tangwa wym em won thoh u dei pyrtuid kitæ ki bru wa leh yeini i jia. 

“Iwa pynchlur ya nga wow thoh hei dur yong ka Drama toh lyngba uwi u bru waheh ka chnong uwa da khana bniah bha ya nga heiyatoh kani ka parom hadooh wada pynktik yei sñiaw yong nga wow thoh O ka khnang wa ki pateiñ hadien u tip ki,” ong u Hamjhan H Dkhar.

Da pynlait paidbah ya kani ka kot da u Dr. P. Nongtdu u Principal ka Jaiñtia Eastern College Khliehriat uwa da ong leh wa i e sñiawbha hei dur i thoh kot thoh sla toh kawa emkam tam khnang wa ki paidbah u tip ki yei tynre wei hadooh katwon won da kylla katkam wa tyllung i por.

Kamwa ka chnong Raliang toh kawi wada paw nadooh ki por nachwa neidaw wa em i yatoh ko wa kiwi won ki parom hapoh ri-loom Jaiñtia, u Dr. P. Nongtdu kyntu u wa toh u thoh leh yei parom yong kani ka chnong, kamjooh ki um ki wah wa kiwi neibhah deiwa pyrchang kamni da man i e sñiawbha wa khroo haka thoh ka tar Khasi.

Heiyatoh wa kiwa sikai won, da kyntu u ya ki wow thooh bniah wow thoh kot næ i e ki Seminar iwa man iwa emkaam bha haka Policy yong ka chnat puræ puthi, neibhah lada ym nood wow e Seminar mut waka ‘Quality’ yong ka Education næ i dor yong i tip i stat wa e cha ki khynnah ym em yumut ko iyi iyi. 

Waroh kiwa klam wa kynthup ka Dr. Nidaioh Biam, Training Teaching Staff DIET Sohra, u L. Nongtdu Lecturer Jaiñtia Eastern College Khliehriat, ka Warohlang Garod Asst. Teacher Riat Sohpriam Presbyterian Govt. LP School Raliang, ka Merose Dkhar Asst. Teacher Sajar Nangli Govt. L P School Raliang, ka Rupa Garod Asst. Teacher Don Bosco RCLP LP School Raliang, yooluti ki wa kani ka kot daw pynmyntoi ko yaki paidbah neibhah wa haka kaam thoh kaam tar hi wym toh kawa suk.

Kam u pynkynmoo kani toh ka kot wa 5 wa u Hamjhan H Dkhar da ye u wow pynlait wei ki kot wada pynlait chwa u kynthup ka Iarong, ka Kyllad, ka Soit Thaiñpai wa u Chwar Lanei.

Share this:
Previous

Khlaad noh u Kordor Chyrmang

Next

Pynyoo ki khynnah ya u soh wa mih naka “Children Theatre Workshop”