Ka Ministry of Health and Family Welfare (MoHFW) da pyntip ko wa da pynlait lut ya waroh ki le ngut wa yoh ya u khñiang COVID-19 ha jylla Kerala.
Kam wow pynkynmoo heini wa nyngkong dooh wa pyntikna ka Ministry wa em u bru wa yoh ya uni u khñiang toh ha ka 30 Duyatra (January) 2020.
Uni uwa yoh nyngkong dooh ya uni u khñiang toh uwa na Kerala wei dang wan wot u na sorbah Wuhan kawa man ka sor wa chah khang kset (Quarantine) ha ka ri China.
Hadien ini da pyntikna wa em sa ar ngut kiwa yoh ya uni u khñiang kiwa na jylla Kerala hi, iwa mut kiwa yoh ya u COVID-19 hapoh ka ri da ku i cha ka le ngut.
Hadien wa chah sumaar kini ki le ngut neiliang ka Ministry, ynnin da pyntikna ko wa da pynlait noh ya ki hadien wa da chait ki.
Discussion about this post