theme-sticky-logo-alt
theme-logo-alt
Advertisement ad1
Advertisement ad1

Waroh toh u tipmit yei pyrtuid u Tirot Sing, ong u Meghwal

Advertisement ad1

U Montri Khynnah ka sorkar pyrdi wa pait ya ka Culture wa Parliamentary Affairs, u Arjun Ram Meghwal ynnin da embyntalang u ha ka yalang pynwai ya “Ka Tynrai Jong Ka Longrynieng” (The Roots of Identity) wa da pynman ha U Soso Tham Auditorium, Shillong heiwa da klam u chaphang ki khlawait ka jylla Meghalaya kam chibynta ka yaleh yoh laitlooid ka ri.

“U Tirot Sing toh u tip leh lut da waroh yei pyrtuid yong oo,” da ong u Meghwal hawa klam ya ki kaam u Tirot Sing hawa yaleh yow yoh laitlooid. Da kynmoo u leh ya U Kiang Nangbah wa u Pa Togan Sangma deiwa ong wa ka sorkar hap ko wow e sikai ya ki khynroo chaphang kiwi kiwa boon ki wym pu em tipmit kam kiwa yaleh yow yoh laitlooid.

Advertisement ad1

U Meghwal da khana u leh chaphang i thmu ka Azadi Ka Amrit Mahotsav yow man ka ri kam kawa ye u kyrchaan ya idæ namo ka Aatmanirbhar.

Da yaroh u leh ya ka Shillong Law College waka Positive Energy Art Foundation wa pynman ki ya kani ka yalang yow kyntu ya riti dustur ka jylla waka thaaiñ mihsngi. Da pynchlur u leh ya ki khynroo wow lehkmen ya ka Har Ghar Tiranga ha ki snem wow wan.

U Meghwal da pyn ka-it u ya ka yalang deiwa rwai de yong oo hi i sur wa chna u chaphang ka Har Ghar Tiranga.

Da emlang leh ha kani ka sngi waka MLA ka East Khasi Hills, ka Ampareen Lyngdoh deilang wa kiwi kiwa chah khut sñiawbha heiwa ka Ampareen da kyntu ko wow tipmit noh ya ki ktien ka jylla wa kynthup ya ka Khasi, Garo wa Jaiñtia. Heijooh i por da pynsñiaw ko yei sñiawkmen wa sdang ka sorkar wow e sikai yow tipmit ya kiwa yaleh laitlooid. Deiwa ong leh wa ka Meghalaya deilang wa ka ri daw pyntikna ki wa ka India daw man ko kam ka Aatmanirbhar.

U Montri da saam u leh ya ki khusnaam cha waroh kiwa jop ha ki yakob wa boon wa pynman ha kani ka tamasa wei da pynbood sa ki chaad ki rwai tynre naka thaaiñ Northeast.

Share this:
Previous

Yoh ki warep ka chnong Mupliang yei sikai kammon u booh u pynlang ya ki symbe

Next

Da pynlait yei Music Video Thawrieh Tngen