theme-sticky-logo-alt
theme-logo-alt
Advertisement ad1

Da pynman Containment Zone ya ka chnong Umjakoit hadien wa em 17 ngut kiwa yoh COVID-19

U Sub-Divisional Magistrate ka Mairang Civil Sub-Division, Mairang ha ka hukum wa da pynmih ynne ka sngi, da pyntip u wa neidaw wa ku smat kiwa yoh COVID-19 wa kiwa em hei maa wow yoh ya uni u khñiang ha ka chnong Umjakoit, Mairang Civil Sub-Division, da pynbna ya kani ka chnong kam ka Containment Zone kam chibynta wow kdoh u khoom yei poor uni u khñiang khlam.

Katkam kani ka hukum, ym chah ya kiwon kiwon wow psiah cha ka Containment Zone lait noh ki wakreh ka chnat i chait i khiah wa kitu kiwa yoh bor na u Incident Commander wa toh u pait ya kani ka chnong, wei waroh kiwa chong chnong toh u chong ki khop ha jar jiar ki yung yung, toh leh u deiñ ki ya ki Mask, ym toh wow yakhleh wa kiwi wei wow pait bniah bha ki yei long i man yong ki samen samen lada yoh ki yei ky’oh, i dap rupai lane jynjar ki wow riñ lane pynhiar mynsien. Da kyntu leh ya ki wow wan chimbynta ryntih ki ya ka Test ha ki dong ki yong manda wan ki wakreh ka chnat i chait i khiah ka sorkar jylla.

Chooh chooh, waroh ki dukan kiwa em ha ka chnong Umjakoit u khang lut ki wei kiwon kiwon ki kaam chna yung lane chna sarok toh u sangeh noh chisyndon. Kiwon kiwon kiwa tyngkheiñ ya katai ka hukum daw chah pynchitom katkam ki kyndon aiñ yong ka Disaster Management Act, 2005 wa ka IPC.

Kam wow kdaw heini wa hadooh ynne ka sngi da em hadooh 17 ngut kiwa yoh COVID-19 hapoh ka chnong Umjakoit.

Share this:
Previous

Da toh pynwiar ya kawi ka ST Certificate

Next

Da pynkylla ya i pyrtuid ka Rajiv Gandhi Khel Ratna Award cha ka Major Dhyan Chand Khel Ratna