theme-sticky-logo-alt
theme-logo-alt
Advertisement ad1
Advertisement ad1

Da pynman Micro Containment ya ki artylli ki thaw wa em ha Mookyrdup

Advertisement ad1
Advertisement ad1

U DC ka West Jaiñtia Hills District da pyntip u wa neidaw wa em kiwa yoh COVID-19 ha ki thaw (Compound) u Bini Shylla wa (L) Darling Chyrmang kiwa em waroh ar hapoh ka dong Mookyrdup, Jowai heiwa da em leh kiwa em hei maa wow yoh ya uni u khñiang, kamtæ da emkaam wow leh yei booddien, i phah chongkset, ki Test wa kiwi kiwi de yow khang nei poor uni u khñiang khlam.

Hajrong ini, da pynmih hukum ynne ka sngi wow pynman Micro Containment ya kini ki ar tylli ki thaw wa em hapoh Mookyrdup hadooh wa pymih hukum da kamwi tawon.

Advertisement ad1

Ka hukum da khang ko ya kiwon kiwon wow psiah ki cha kini ki thaw wei kiwa em hapoh kini ki thaw wow neh bait ki hapoh yung.

Ym chah wow pynman ya kiwon kiwon ki yalang paidbah, waroh ki kaam khayi pateiñ, ki dukan, ki yung krehkaam sorkar wa ki yong ki bru samen toh u man ki kiwa khang.

Ki kari wa lai luti na kini ki thaw wa man Containment Area ym toh u sangeh ki chiteiñ luti.

Yei pynkrehkaam ya kani ka hukum daw pait da u Incident Commander kam u Supervising Officer.

Kani ka hukum ym em khang ko yei leh ki bru ka chnat i chait i khiah yei kaam yong ki, ki wakreh u DC wa kiwi de ki bru sorkar kiwa leh ya ki kaam wym hoi u dam, kiwa thoh khubor wa kiwa li booh tadong LPG.

Kiwa leh pyrchah daw chah pynchitom ki katkam ka aiñ Disaster Management Act, 2005 waka IPC.

Share this:
Previous

Pdiang ka PRIME sa chi kynhun wow yoh sikai hei seiñ khih

Next

Daw chimpor wow wai ya ka District thymme ka jylla neidaw wa joor ka khlam