Ka Meghalaya State Legal Services Authority (MSLSA) chirup wa ka District Legal Services Authority (DLSA), East Jaiñtia Hills District deilang wa ka Labour Department, ka District ynne da pynman ko ya ka “One Day Legal Awareness Programme on the Rights and Benefits of Workers in the Unorganized Sector” namo i pynsñiawthooh paidbah hajrong i hok kiwa khih mylla.
Ha kani ka sngi ka M. Nongrum, Assistant Labour Commissioner, da e ko ya ki kyntien pdiang burom deiwa ong leh wa emkaam wow pynsñiawthooh paidbah hajrong ki hok yong kiwa khih mylla kiwa haap ha ki Unorganized Sector.
Ka N.M. Momin, Officer on Special Duty, Meghalaya State Legal Services Authority, Shillong da pyntip ko wa ka Meghalaya State Legal Services Authority e yarap ko mynkna ya ki bru heiyatoh wa ki kaam aiñ wei da kyntu ko ya ki wow wan ki chaphrang heiyatoh wa i emkaam yong ki.
U Westerwell Phawa, Labour Inspector, Khliehriat da klam u hajrong ka phang ‘Building & Other Construction Workers (Regulation of Employment and Conditions of Service) Act 1996’ deiwa kyntu ya kiwa khih mylla wow wan pyntipmit namo wow Register ki hapoh ka Scheme lyngba ka chnat Labour Department ha ka District khnang wow ye ki u yoh myntoi na ka Unorganized Workers Social Security Act, 2008.
U Albertstar Kharumnuid, Labour Inspector, Saipung, da klam u hajrong ka phang ‘Meghalaya Identification, Registration (Safety and Security of Migrant Workers) Act 2020’ deiwa kyntu ya kiwa khih mylla wa kiwa wan na baar jylla wow Register ki wei khnang wow ye u wanrah yei chongsuk.
Neiliang u Secretary, District Legal Services Authority, East Jaintia Hills District, u D.S. Marbaniang uwa pynlai ya ka yalang da e u leh ya ki kyntien ekhublei.