April 18, 2019

Da pynman ya ka 3rd Annual School Sports ka chnong Mustem

Jowai: Ka 3rd Annual School Sports wa ar sngi yong ka chnong Mustem wa pynman da ka All School Teachers Association Mustem, da pynman ya ka ha ka 16 wa 17 tarik uni u bnai ha Mustem Football Playground.

Ya kani ka lympung da wan wai da u Ferdinand Suchiang heiwa da yaroh u ya ka seiñ wa ka chnong kawa da ye wow pynman ya kani ka lympung neibynta ki khynnah skur ka chnong. Da kyntu u leh ya ki khynnah wow man kiwa minot wa kiwa kreh chitom ym du ha ki yalehke sports tangwa wot ha i puræ puthi wei wow kiar na i dih ya ki jait pynmuaid.

Ya ka sngi pynkut da wan pynhaap pyrda da u Waheh Chnong ka chnong, u H Shylla uwa da pynchlur ya ki khynnah wow man ki kiwa em i akor wei wow burom ya ki waheh wasian ka chnong. Da esñiawbha u leh da ka song poisa wa T. 10,000 kam ka dak wow yarap ya ka seiñ.

Ha kani ka lympung da pynman ya ki Drill, March Past, wa kiwi kiwi.