15 49.0138 8.38624 1 0 4000 1 https://wyrta.com 300 0

Palat 10,000 tylli ki manyung wa chah ktah ha ka ær-yong ha ki sngi wa dadep

0 Comments

Shillong: Ynne ka sngi da pynman ya ka High Level Meeting ha Main Secretariat hapoh i pynlai u montri ka chnat Revenue & Disaster Management Department, u Kyrmen Shylla chirup wa u Chief Secretary Government of Meghalaya and Commissioner of Division yong ka Garo, Khasi & Jaiñtia Hills Division wow booddien ya i man i long hapoh ki District lyngba ka Video Conference wa ki Deputy Commissioner hadien wa wan ka ær-yong ha kylleiñ ka jylla nadooh ka 14 hadooh 17 tarik uni u bnai.

Neiliang u Kyrmen da kyntu u ya waroh ki Deputy Commissioner wow man kiwa husiar wei wow booh ya ki sahep wow e yarap smat cha waroh ki manyung wa chah ktah.

U Chief Secretary da kyntu u leh ya ki DC wow ekti smat ki ya ka bui na ka sorjamin wei da kyntu leh ya ki wow booh ki rukom krehkaam wow pynduna ya chah ktah ki paidbah. U Additional Chief Secretary, I/c Revenue & Disaster Management Department da pyntip u leh yeiwa chah ktah katkam wada yoh yutip u.

Da pyntip wa hadooh 3 ngut wa mynsoo ha West Garo Hills wei da esumaar leh ya ki wei ki District wa chah ktah kynthup ki ya ka Garo Hills Division, West Khasi Hills, East Jaiñtia, West Jaiñtia Hills wa kiwi kiwi.

Da pyntip leh wa ha ki District waroh da chah ktah hadooh 700 tylli ki chnong wa 10554 tylli ki manyung, kamwa 100 tylli ki yung skur, ki yung chnong kiwa da chah ktah.

I e yarap kam ki tarpal da saam cha ki yung kiwa da chah ktah joor, i rukom saam bordiñ ha West Garo Hills, South West Khasi Hills wa Ri-Bhoi District leh da chah pynthut wei da kreh ka MePDCL wow pynbiang ya i rukom saam bordiñ.

0 Comments

Leave a Reply