15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Advertisement ad1

Advertisement ad1

Da pynman ya ka esikai wa le sngi ya ki khynroo khyllood ha Saipung, EJH

0 Comments

Jowai: Ka Biate Youth Association da pynman ko ya ka e sikai wa le sngi nadooh ka 8 tarik hadooh ka 10 tarik uni u bnai ha Saipung, EJH hajrong ka phang wow e sikai ya ki khynroo khyllood kiwa kwah u man kam kiwa yahkhmat wei wow pynku ya ka imlang sahlang kawa tip kam ka Youth Leadership and Community Programme kawa da kyrchaan poisa da ka Nehru Yuva Kendra Sangathan, Jowai hapoh ka Ministry of Youth Affairs ka sorkar India.

Ha ka sngi wa sdang ya kani ka yalang da yoh yei klam pdiang sñiawbha na ka Meryzone Ngamlai kawa man kam ka Executive Member ka Biate Youth Association, Women’s Wing wei da pynbood sa i klam na u kongsan u Zosiam Thianglai, Secretary Biate Devanpui Meghalaya uwa da pynchlur ya ki khynroo khyllood wow chimbynta ha waroh ki kaam wa pynman hapoh ka chnong kamjooh cha baar chnong.

Ki bru wa chemphang wa wan klam ha kini ki le sngi toh u H.W. Fowler Darnei uwa klam chaphang ka dustur riti waka jaitbru deiwa ong wa ym hoi u mylliñ yei tre yow lait u wiar ka jaitbru.

U Lalramvota Darnei uwa man kam u Pro-Pastor da klam u yei emkaam ya kiwa yahkhmat wa bha wa stat wei da puræ u leh naka Bible yow pynchlur ya ki khynroo khyllood wow leh ya ki kaam wa bha.

U Biraj Chakraborty uwa kreh ka Nehru Yuva Kendran Sangathan Jowai da khana u ya ki laad yarap wa e cha ki khynroo khyllood wei da pynchlur u wow pynman chooh chooh ya kam kini ki jait yalang.

U Solomon Darnei (LLM) uwa man kam uwa e buit ka All Biate Student Association da klam u chaphang ka chong kurim, i pynbiang ya ki khon ki kti, u ri ya ka bei, u pa kamjooh wow yarap ya kiwa dooh wa duk ka imlang sahlang.

U Sngainlang Bamon wa da klam u chaphang wow seiñ khih yow yieñ hajrong ki yong i hi ki kjat wei da ong u leh emkaam i kreh chitom yow poi cha ka thong wa jop.

Da pynkut ya kani ka yalang ha ka 10 tarik deiwa klam chaphang i myntoi wa da yoh kiwa wan chimbynta.

Share this:
Previous

Da toh pynhaap ya ka wi ka snieh poisa ha Jowai

Next

Wa joor i kyllooh ka chuki u CEM ka KHADC lai yachem u Pynshngain ya ki heh ka NPP wa HSPDP