15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da pynman ya ka Farmer’s Parliament wa nyngkong dooh ka jylla

0 Comments
Advertisement ad1

Shillong: U montri rangbah ka jylla, u Conrad K. Sangma da ong u wa ka sorkar da sdang ko ya ka Farmer’s Parliament wow sñiawthooh yei chitom ki warep wei wow e yarap ya ki wei da pyntip wa da sdang leh ya ka “Farmer’s Commission” wow yarap ya ki warep.

“Ka Farmer’s Parliament yarap ko ya ki sahep sorkar wa kiwa mihkhmat wow yachem lang ha kawi ka thaw wow thoohlaad wow yarap ya ki warep,” da ong u ha ka Farmer’s Parliament kawa nyngkong dooh wa pynman da ka chnat yong i rep i riang hei yakrehlang wa ka Meghalaya Basin Development Agency wa ka Hill Farmers’ Union.

Da pyntip u leh wa ka sorkar angnood ko wow pynku ya ka kaam rep deiwa thooh ya ki laad yarap wa ha rukom wei wow yakrehlang wa ki seiñ wa ha rukom wei kamjooh leh wow pyntikna wa pynkreh hok ya ki scheme neibynta kani ka kaam.

Da ong u leh wa ka sorkar angnood ko wow pynchlur ya ki warep wow pynjanai ki yei rukom song ya ki mar rep yong ki wei ka sorkar leh smat ko wow e yarap ya ki ha kani ka bynta.

Hadien wa wan na Sial Paris, heiwa da em ka yaaw wa heh dooh wow pynyoo rong ya ki mar baam wa da song dei song, neiliang u Conrad da pyntip u wa ha uni u snem wow wan daw pynman ya ki Food Exhibition wa ki Business Meet hapoh jylla wow em ka rynsaan ya ki warep.

Ha kani ka sngi da ekti leh ya ka India Today award “Most Improved Small State in Category of Agriculture” cha u montri ka kaam rep, u Banteidor Lyngdoh.

Advertisement ad1

0 Comments

Leave a Reply