Da pynman ya ka Pre-Christmas Prayer Service ha yung Assembly wa thymme ka Meghalaya

Ka Meghalaya Legislative Assembly ynnin i miet da pynman ko ya ka lehkmen ‘Pre-Christmas Prayer Service and Celebration’ ha ka yung Assembly wa thymme wa em ha Mawdiangdiang, New Shillong.

Da ya emlang ha kani ka sngi deilang u Chief Minister, u Conrad K. Sangma; u Speaker ka Meghalaya Legislative Assembly, u Thomas A. Sangma; u Deputy Speaker, u Limison D. Sangma; u Deputy Chief Minister, u Sniawbhalang Dhar  wa kiwi de ki Montri sorkar wa ki MLA.

Ha kani ka lehkmen da yoh yei rwai na ki Children of God’s Dream Children’s Home, Lumshyiap, Langkyrding, ka Meghalaya Legislative Assembly Choir wa na ki Mahila Band ka Nagaland Police kawa tip leh kam ka 15th NAP (IR) Mahila Band kawa rwai wa tem da ki pulit kynthai ka Nagaland kiwa da man leh kam ki Finalist ka India’s Got Talent (IGT) Season 10 ha u snem 2023.

Neiliang u Speaker da ong ko wa kani ka sngi toh kawa kmen neidaw wa da yoh wow lehkmen Christmas ha pchem ka yung Assembly wa thymme ka Meghalaya deiwa pynkynmoo leh wa ka Christmas toh kawa pynyoo yei maya u Blai, kamtæ da pynchlur u ya waroh wow em yei mynsien wa sbun, u em yei ya sñiawthooh wei wow wyrai ya kiwi wei da e khublei u leh ya ki MLA ka 11th Meghalaya Legislative Assembly wa da wan ki wow ya embyntalang.

Related posts

10 snem phah kset ka yung bichaar ya uwa slaitbor ya ka khynnah wa dang 12 snem

January 19, 2026

Deiwa khang ka AH&Vety Check Post da ki phaw snem khlem em de wa pait wa sylli ya ki dakha, ki syiar, ki sniang wa psiah cha Meghalaya

January 19, 2026

Ha kani ka sngi da ah leh ya u Cake Christmas da u Conrad deilang u Thomas A. Sangma deiwa emlang ki dkhot ka Legislative Assembly.