Ka Northeast Frontier Railway da pynkrehkaam ko ya ar tylli ki rel wa kyrpang hapyrdi ka Guwahati wa Aizawl heipor Christmas wow pynsuk yei lai i wan ki bru, da pyntip u MP ka Rajya Sabha, u K Vanlalvena.
Ini wan i hadien wa ku i boon ki bru wa lai wa wan hapyrdi kini ki ar thaw heipor Christmas wa New Year.
U Vanlalvena da ong u wa kini ki rel toh wa da pdiang da u Union Railway Minister u Ashwini Vaishnaw khnang wow pynsuk ya ki paidbah ha kani ka samoi heipor wa liwan yung kiwa boon cha Mizoram.
Kini ki rel wa em 14-Coach u lai ki na Guwahati cha Aizawl, lyngba ka Sairang Station, ha u December 22 wa December 24 wei u liwan won ki na Aizawl cha Guwahati ha ka 23 wa 25 tarik.
U MP da ong u leh wa ini daw yarap wei daw pynmyntoi i ya kiwa boon ki bru ka Mizoram wa Manipur kiwa sah ha ki sorbah hawa liwan ki yow suk ki wow yoh rel cha chnong.
https://www.facebook.com/reel/862994559609298
Discussion about this post