15 49.0138 8.38624 1 0 4000 1 https://wyrta.com 300 0
Advertisement ad1

Da pynman ya ka Seminar hajrong i chongkha khian rta ha chnong Khanduli

0 Comments
Advertisement ad1
Advertisement ad1

Jowai: Ka Franciscan Youth Federation Northeast India (FYFNI), Khanduli Unit ryngkat waka Nehru Yuva Kendra, Jowai da pynman ko ya ka Seminar kawa chi sngi hajrong ka phang “Chongkha kloi” (Early Marriage), ha ka 16 tarik uni u bnai ha Lum Assisi Secondary School Umshangiar (Khanduli), West Jaiñtia Hills District, Meghalaya.

Ha i klam pdiang burom u Tynshain Krem uwa man kam u President ka FYFNI Khanduli Unit da pynsñiaw u yei sñiawngooh wa khroo ya ka Nehru Yuva Kendra, Jowai wa da yarap ko ya ki khynnah lyngba ki bru chemphang (Resource Person) kammon wow sñiawthooh chaphang i rukom im khynroo khyllood wei kammon u man kiwa im pura (Matured) ha ka kaam chongkha.

Uwi na ki bru chemphang, u Br. Collinsius Wanniang, hawa e yei klam da pynsñiaw u yei mynsien wa khia khamtam hawa kyruiñ cha ka Ri Khasi-Pnar wa boon na ki khynroo khyllood chongkha ki hei rta wa dang khian neibhah wa man ki ki wym em i kitkhlieh yei yong ki hi i rukom im wei iwi won i daw toh i dooh i duk iwa pynbor ya ki khyllood wow chongkha smat.

U Br. Herman Wanniang da kyntu u ya ki wow man kiwa husiar, neibhah wa i bor wei burom u bru chong ko ha i samen wei ym em wa ye u pynkylla yeitæ.

Da klam leh hajrong ka aiñ Prohibition of Child Marriage Act 2006, deiwa ban joor ya ka hukum ka Supreme Court wa ong wow pynchitom ya ki khynnah kiwa chong kha dang khian ki wympu kynjoh 18 snem ya ki kynthai wa 21 snem ki chynrang.

Advertisement ad1

0 Comments

Leave a Reply