Jowai: Ka yalehke 3rd Division ka WJDSA da poi ko cha wa kut ynne ka sngi da ka yalehke Final hapyrdi ka Dongmihsngi waka Iawmulong Nartiang.
Ka Iawmulong Nartiang da yoh ko wow pynkhih nyngkong ya ka jar ha ka minit wa 47 lyngba u Living Suja tangwa ka Dongmihsngi da ye ko wow su kylliang ha ka minit wa 65 da ka kool wa thap u Ohipaya Syngkon.
Kamtæ da pynman da ka Extra Time heiwa pyn arliang da yoh biang u thap mar chi kool heiwa ka Dongmihsngi da thap nyngkong ko ha ka minit wa 8 da ka kool u Ewanmida-O Langstang katwa ka Iawmulong Nartiang da thap ko ha ka minit wa 15 lyngba u Dawthymme Dkhar.
Kamtæ ka yalehke da kut ko da 2-2 wei da pynman da ka yachut Tie-breaker yow rai ya kiwa jop.
Ha ka yachut Tie-breaker ka Dongmihsngi da pynrem ko ya ka Iawmulong Nartiang da 5-4.
Ha kani ka sngi da saam leh yei naam Top Scorer wa yoh da u Living Suja uwa thap 10 kool uwa yalehke ka Iawmulong Nartiang, yei naam Best Goalkeeper da yoh u Teilang Phalangki na ka Iawmulong Nartiang, yei naam Player of Tournament da yoh u Riomiki Lyngdoh na ka Dongmihsngi katwa yei naam Player of the Match da yoh u Ewanmida-o Langstang na Dongmihsngi.
Discussion about this post