15 49.0138 8.38624 1 0 4000 1 https://wyrta.com 300 0

Da pynman ya ka Shillong Job Fair wa ar sngi

0 Comments
Advertisement ad1

Shillong: Ynne da ki spah ngut ki khynroo khyllood da wan ki ha Don Bosco Technical School, Laitumkhrah wow chimbynta ha ka Job Fair kawa ar sngi kawa pynman da ka Don Bosco Tech Society chirup wa ka Meghalaya State Skills Development Society (MSSDS).

Ya kani ka Job Fair da wai da u Bhupesh Hajong, Executive Director, MSSDS kam u kongsan hei emlang ka J. Lyngwa, Deputy Director, Employment Exchange, Government of Meghalaya wa u Fr. Edmund Gomes , Rector, Don Bosco Technical School kiwa da man kam ki symbood kongsan.

U Bhupesh Hajong hawa e yei klam da pynksan u yei emkaam wow man kiwa da chah sikai ha ki bynta kiwa ye u seiñ khih seiñ kreh wei wow jied ki da kawa ka-it bha ki wow leh khnang wow poi ki ha ka thong yong i jop.

Da ong u leh wa ka sorkar jylla yaleh ko wow kyntu kynrong heiwow yoh khih yoh kreh ki khynroo khyllood deiwa booh ya ki programme kam ka Supporting Human Capital Development In Meghalaya (SHCDM).

Ha kani ka sngi da wan kamwa 30 tylli ki Company wa kynthup ya ka Apollo Proton Hospital, Just Dial, Bharati AXA Life Insurance, Speed Wings Aviation, Safexpress, Jetex, Devyani International, Sodexo, ICICI Bank, Barbeque Nation wa kiwi kiwi heiwa da wan ki khynroo khyllood kiwa em hapyrdi i rta wa 18-35 snem.

Advertisement ad1

0 Comments

Leave a Reply