15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da pynman ya ka yalang wow pynsñiawthooh ya ki paidbah wow chaniah ki ya ki dawai Ayurveda wa Homeopathy

0 Comments

Jowai: Kam chibynta ka National Ayush Mission (NAM) kawa em hapoh ka AYUSH Ministry kawa da sdang ha u snem 2014 da ka sorkar pyrdi ka wow pynku pynchlur yei e dawai wa i sumaar wa toh na ki Doctor AYUSH wa kynthup ya ki Doctor Ayureveda, Siddha & Unanu wa ki Doctor Homeopathy.

Heiyatoh wa ini ha Jowai ynne ka sngi neiliang ka yungkrehkaam u DM&HO wa ki Doctor AYUSH ka West Jaiñtia Hills da pynman ki ya ka Public Health Outreach Programme ha Khimusniang Indoor Sports Hall yow pynsñiawthooh paidbah chaphang ka NAM.

Ka Dr. (Mrs) B.T. Hinge ka District Nodal Officer AYUSH ha ki ktien waiphang yong ka da ong ko wa hapoh ka NAM da em leh ka AYUSH Gram kawa lai cha ki skur yow chem ya i kjut i chitom nadooh wa dang khian ki khynnah kam ki kjut klongsnaam kawa da e sumaar mynkna won da ka RBSK.

Ka kongsan ha kani ka sngi ka Dr. J.V. Shullai da ong wa emkaam wow pynman ya kam kani ka yalang cha ki sor neibhah cha nongkyndong boon toh kiwa da tip mynnu wow e Injection ya ki khon khian yong ki neidaw wa aw jan man ka sngi da e sikai ya ki tangwa kiwa sah cha sor kiwa stat da tip leh ymtip ki yeini.

U Dr. S. Sumer uwa man kam u Consutant ka Obs & Gyneagologist, Diabetes, Gestational Diabetes da klam u chaphang i kjut chini wa yoh ki kynthai wa punkhon deiwa ong wa em kiwa punkhon yoh kjut chini ki heipor wa punkhon wei em kiwa yoh  yeini neidaw wa da hiar pateiñ i kjut tangwa kiwa ym em hiar pateiñ i kjut chini ye biang i u mih heiwa hadooh 50% ye biang ki u yoh kjut chini katwa kamtæ emkaam wow lai cha ki Doctor wow pait yei kjut chini.

Ka Dr. Dizaka E Laloo, Ayurvedic Physician na ka Laskeiñ PHC da ong ko wa smat ki bru wow pdiang yei sumaar da i e dawai Ayurvedic neidaw wa da em ki dawai kynbat wa da em chwa cha i handlada ym em yatoh ko wa ki leh.

Ka Dr. Lummi S Dan, Homeopathic Physician, RBSK, Laskeiñ Block da klam ko yei sñiawthooh bakla ki paidbaah chaphang ki dawai kamjooh ki e sumaar Homeopathy wei em boon kiwa sñiawthooh bakla chaphang kani ka rukom sumaar neibhah ka Homeopathy toh kawa ym em khanglaad ko wow baam ya kiwon kiwon ki baam wei man ko ka rukom sumaar kawa pynbha pyn daki dawai wa ye u pynmih yei jooh i kjut khamtam ki kjut wa da neh slem kam ki kjut Sinus wei lada chimkhia ki paidbah wow dih dawai tista daw ye bait u pynchait ya ki tangwa wei heijooh i por da ong ko wa kiwa wan sumaar Homeopathy da wan ki toh hadien wa da boon snem da dih dawai na kiwi ki jait Doctor kamtæ chimpor wow pynchait ya ki bru wei emkaam chwa wow pynmih ya waroh kiwa sih cha lait yow ye u pynbha wei ini ym toh iwa maa ya kiwa chah sumaar.

Previous
Next

0 Comments

Leave a Reply