15 49.0138 8.38624 1 0 4000 1 https://wyrta.com 300 0

Mih i awri hapoh ka Durga Mandir wa em ha Nartiang hajrong ki Pandit wow pyndep yei kaam niam

0 Comments
Advertisement ad1

Jowai: Ki bor wa pynlai ya ka West Jaiñtia Hills da rai ki wow booh ar ngut ki Pandit neibynta i lehniam Puja ha Durga Temple iwa em ha Nartiang i wow neh le sngi nadooh ka 17 hadooh 19 tarik uni u bnai.

Ya kani ka rai da chim ynnin ha ka yalang wa da khut hajir ya ki arliang ha kamra krehkaam u Deputy Commissioner ka West Jaiñtia Hills District heiwa emlang u Deputy Commissioner u R. Rapthap, u Vivek Syiem SP, WJHD, u SC. Laloo Addl. DC wa kiwi kiwi.

Da rai wa u Swapon Bhattacharjee wa u Oni Muskut u lehniam Puja ha i jooh i por neibynta ki le sngi lynter hapoh ka Bisari Mandir, Nartiang hapoh i yahkhmat u Acting Dolloi, u Lyngdoh, u Pator, u Pator Kamar, ki Basan wa u Sordar.

Da rai leh wow chah ya ki paidbah wow psiah cha kani ka mandir du wow engooh wei wow man ko du neibynta ka Bisari Puja.

Ka bor District da khut hajir ko ya kini ki ar liang hadien wa mih i klumar hapyrdi kini ki ar dhab da kylliang noh ki ya u Pandit yong ka Durga Temple kawa da jia ha kini ki sngi wa dadep hadooh wa ki bor pynlai District da haap khang khyrdep noh ko ya kani ka yungmane wow lait na iwon iwon i jia wa sñiawsih.

Ki bor pynlai kani ka thaw da wanrah ki leh ya u Pandit wa thymme na Ram Krishna Mission Sohra wow chimkti noh ya kani ka kaam tangwa kiwa ngait ya ka niam Hindu ka chnong Nartiang da pynsñiaw ki yei pyrchah ya kani ka rai wei dang kyrchaan ya u Pandit warim.

Ki bor wa pynlai ya ka mandir da wanrah ki ya u Pandit wa thymme ha ka janmiet ka dep Ssgi Walang wow leh Puja tangwa kiwa kyrchaan ya u Pandit warim da pyrchah ki yeini wei da ker kut ki ya ka mandir.

Du hadien da wan smat u SC. Laloo Addl. DC ka WJHD wa u P. Syiem Dy. SP ka WJHD wa ki pulit da ye u yait na iwon iwon i jia wa sniawsih wei da beh lut ya ki paidbah kiwa em cha baad u pood u ang kani ka Mandir.

Ynne ka sngi nawon neiliang u SP ka District da pyntip u wada chim ya ka rai wa pyn ar ki pandit u embynta ki hei wow pyndep ya ka niam ka rukom hapoh kani ka thaw.

Advertisement ad1

0 Comments

Leave a Reply