New Delhi: U montri wa pait ya ka DoNER, u Dr. Jitendra Singh ynne ha ka yalang wa ki MP ka thaaiñ mihsngi kiwa kynthup ya ki MP ka Lok Sabha wa Rajya Sabha, ha nongbah New Delhi da pyntip u wa ka sorkar pyrdi da mynjur ko ya ka Indian Forest (Amendment) Ordinance, 2017 heiwa da rai wow pynlait ya u siej wa ki chken ya kiwa da thung cha baar i khloo wow kynthup ya ki na i kyntien “Tree”. Deiwa leh kamni ym emkaam de wow yoh bor (Permit) wow pam ya ki siej ki chken neibynta wow pynemkaam ya ki.
Da pyntip u leh wa ha u Naiynñiaw da pynkylla ya i rukom man ka NEC heiwa u Home Minister u man u kam u Chairman ka NEC katwa u MoS (I/C) DoNER wow man kam u Vice-Chairman, NEC.
U Dr. Singh da ong u wa u montri ka chnat kaam pohyung (Home Minister) u Amit Shah daw man u kam u chnongknor ha ka Plenary Session yong ka NEC ha ka 3 wa 4 u Naisaphra ha Guwahati.
U Secretary (DoNER) u Dr. Inder Jit Singh da ong u wa ka DoNER Ministry man ko ka chnat wa emkaam bha neibynta ka thaaiñ. Da ong u leh wa da chna ya ki Committee wow pait ya i pynkreh ya ki sarok, ki thaw hiar lieñsuiñ, ka kaam uiñke suwari, i psan sniang, wa kiwi kiwi.
Da batai u leh ya ki Scheme kam ka North East Special Infrastructure Development Scheme (NESIDS), Hill Area Development Programme (HIDP), North East Road Sector Development Scheme, North East Rural Livelihood Projects, North Eastern Region Community Resources Management Project, North Eastern Regional Agricultural Marketing Corporation Ltd., North East Handicrafts & Handlooms Development Corporation Ltd. Wa kiwi kiwi.
Da chna leh ya ka NITI Forum for North East ha ka Thohlakhmi 2018 heiwa ka yalang wa nyngkong yong ka da man ko ha 10 Naitung (April), 2018 ha Agartala wei ka yalang wa bood da man ko ha ka 4 Tarik u Kmaichonglad 2018 ha Guwahati heiwa da rai wow kreh neibynta ka slacha, ki siej ki chken, wa kiwi kiwi.
Ha kani ka yalang da emlang ki MP na ki jylla ka thaaiñ mihsngi wa kynthup ya ka Agatha Sangma, u Vincent H Pala wa ka Wansuk Syiem wa kiwi kiwi.
Discussion about this post