15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pynman ya ka Youth Festival wow esikai ya kiwa dang khai khynroo

0 Comments
Advertisement ad1
Advertisement ad1

Jowai: Hapoh ka ri India kiwa dang khai khynroo khyllood kiwa em ha i rta wa 10-19 snem, em ki 253 Million kawa man 22% na i boon bru hapoh ka ri.

Kini kiwa dang khai khynroo kyllood namo kiwa tip kam ki Adolescents ha i ktien pharæng man ki kiwa daw pynwan dur ya ka mynried ka ri, kamtæ emkaam bha ki ya ka yahluti heini i por wa dang man ki khynnah chwa wow man ki kam ki waheh.

Kamtæ ka Ministry of Health & Family Welfare da sdang ko ya ka Rashtriya Kishor Swasthya Karakram (RKSK) ha ka 07-01-14 ha waroh ka ri neibynta kiwa hapyrdi ini i rta yow yarap ya ki u sñiawthooh ki chaphang ka chait ka khiah, i emkaam wow biang i pyrkat pyrdaiñ, i chong kurim wa kiwi kiwi.

Heiyatoh wa kani ka RKSK ha kani ka 29 tarik neibynta ka West Jaiñtia Hills District da pynman ya ka Youth Festival 2018 ha District Library Auditorium da ka yungkrehkaam u District Medical & Health Officer, West Jaiñtia Hills hei ya krehlang waka National Health Mission heiwa u DC ka West Jaiñtia Hills u R. Rapthap da man u kam u kongsan.

Ha kani ka sngi da em leh ki Good Will Ambassador wa kynthup ya u Hame Shaniah Suiam u Kickboxer wa pawnaam ka jylla wa ka Melanie Pariat ka State Shooting Champion heiwa neiliang u Hame da pynchlur u ya kiwa emlang ha kani ka sngi wow chimbynta ki ha ki yalehke wa boon jait neibhah yarap ko wow pynlut por ya ki ha ki kaam wa bha.

Kani ka RKSK leh krehkaam ko ha ki skur heiwa da saam ya ki dawai pynboon snaam namo kiwa tip kam ki Iron & Folic Acid wei ka dih dawai wieh leh arsien chi snem.

Da booh leh ki thaw ya syllok namo ki Counseling Center ha ki District Hospital, Community Health Center, Primary Health Center wa ha ki Sub Center wow yarap yeiwa emkaam kiwa haap hapoh ka RKSK.

Da em leh sa ki Peer Educator ha ki chnong wa da jied heiwa waroh da em ki 4000 ngut kiwa da chah hikai ki wow sikai kylliang won sa ya kini ki kynnah kiwa chi rta wa ki chapang ka baam ka dih, ka chongka chongman wa kiwi kiwi de.

Ha kani ka Youth Festival palat 100 ngut ki Peer Educator kiwa man leh kiwa em ha i rta 10-19 snem da wan ki wow chimbynta kiwa wan na Thadlaskeiñ, Laskeiñ wa Amlarem Block.

Ha kani ka sngi da yoh leh yei klam naka Flourish Lyngdoh, Program Officer RKSK, u Dr. R. Pohsnem, Sr. Medical I & O, Nartiang PHC uwa da klam chaphang i ma wa i chitom wa mih nei chong kurim dang kian rta, u T. Sawian won da klam u chaphang iwa emkaam u tip yow man ki wa jop.

Da pynwyrngai ya kiwa boon ha kani ka sngi da ki chaad wa u Banker Kharkongor da ki sur ki rwai yong oo kiwa klam chaphang ki por khai khynroo khyllood.

Share this:
Previous

Yoh ka VDP Neinchnong Pasyih ya ka Ambulance wow chakri ya ki paidbah

Next

Hadooh 7.5 i bor u khmi ha Police Bazar pyndur ki bor District yow pynkreh ya ki paidbah