theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Da pynman ya ki yung wa em ha Iongpiah kam ki Micro Containment Area

Advertisement ad1

Neidaw wa em kiwa yoh COVID-19 wei kamjooh leh wa em kiwa em hei maa wow yoh ya uni u khñiang ha ki yung wa em ha Loompyrdi Iongpiah, Jowai neiliang u DC ka West Jaiñtia Hills da pynmih hukum u ynne ka sngi wow pynman Micro Containment Area ya ki thaw yong kini ha wah chisyndon hadooh wa pynmih hukum da kamwi:

  1. Iada Paswet wa Pher Paswet
  2. Rasa Kyndiah
  3. Mienbha Kyndiah.

Da khang ya kiwon kiwon wow psiah cha kini ki thaw, wei kiwa em hapoh kini ki thaw wow neh bait ki hapoh yung.

Waroh ki dukan, ki yung krehkaam sorkar wa ki yong ki bru samen wa em ha kini ki thaw wow man ki kiwa khang.

Ym chah wow pynman ya kiwon kiwon ki yalang paidbah. Ki kari wa lai luti na kini ki thaw ym toh wow sangeh ki chiteiñ luti.

Ym chah leh wow pynman ya kiwon kiwon ki yalang paidbah wei ya kani ka hukum daw pait yei pynkrehkaam da u Incident Commander.

Ka hukum ym em khang ko ya ki bru ka chnat i chait i khiah wow leh ki yei kaam yong ki, ki wakreh u DC wa kiwi ki bru sorkar wa leh ya ki kaam wym hoi u dam, kiwa thoh khubor wa kiwa li booh tadong LPG.

Kani ka hukum man ko kam chibynta wow yarap u leh yei booddien, ki Test, ki phah chongkset wa kiwi kiwi yow khang yei poor ka khlam.

Share this:
Previous

Dawa ka JSM wo kær ya ki Transformer wei wow kylliang thymme ya ki chrot bordiñ

Next

Da phah ya u SP wow khang ya ki karkhana Coke wa krehkaam pyrchah aiñ ha East Jaiñtia