15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da pynman yaka lympung wa nyngkong ki khon khynroo ka Seng Khasi Seiñ Raij (Sengkhihlang)

Advertisement ad1

Ka lympung wa nyngkong ki khon khynroo ka Seng Khasi Seiñ Raij (Sengkhihlang) kawa dang dep pynman ynnin ka 4 tarik ha Seng Khasi Mawbsein Ri Bhoi Pyllun, da man ko kawa phooh wa phieñ, wei ha kani ka lympung wa nyngkong wa da pynlai da ki khon khynroo, da wan ya chimbynta da ki khon Seng Khasi wa Seiñ Raij waphær waphær hapoh ka Bri U Ynñiawtrep Ynñiawskum, heiwa da sdang yaka heipor 11:00 waje i step da i ngooh i dem na u Shembok Nongpluh uwa man u President ka Seng Khasi Ri Bhoi Pyllun wei da bood won sa i pynhær ya ka lama ka seiñ da ka manbei J. Kharshohnoh.

Ha kani ka lympung da yoh ya chiboon ki sneiñ ki kroo na ki bru waheh, na ki khynroo, da yoh leh i sneiñ na u President ka Sengkhihlang Sengkmie u HR Kurbah, da yoh leh i klam na u Leki Sayoo uwa man u Sport Secretary ka Seiñ Kyntu Seiñ Raij 12 Dolloi, na u Polestar Rani, Asst. General Secretary ka Seng Samla Sengkhihlang, da yoh leh ya i sneiñ i kroo na ka manbei ka Solony Bareh kawa man ka Executive Member ka Sengkhihlang wa ki kyntien sneiñ na u Apporlang Dohling uwa man uwi na ki waheh wa kreh chitom neibynta wow kyntu ya ki kaam seiñ ha ki thaaiñ Ri Bhoi Pyllun.

Da pynchongchit wei pynphooh pynphieñ ya kani ka lympung da kiwa boon ki chaad tynre na ki chnat Seng Khasi wa Seiñ Raij waphær waphær napoh ki Ri ki 30 Syiem wa 12 Dolloi.

Ya kani ka lympung da pynlai da ka Repleaseme Phalangki kawa man leh ka President ka Seng Samla Sengkhihlang.

Ha kani ka lympung da wan wow sakhilang da ki President, ki Secretary wa ki Langdoh Niam yong ki chnat Seng Khasi wa Seiñ Raij waphær waphær wei ha i jooh i por da emlang leh u BDO ka Umsning Block wa Bhoi Rymbong Sub-Division u Raju Brahma.

Ka Seng Samla Sengkhihlang da e khublei ko ya u MLA ka thaaiñ u George Lyngdoh, u MDC ka thaaiñ u Rangkynsai Kharbuki kiwa da yarap ya ka Seng Samla Sengkhihlang wow pynman ya kani ka lympung kawa jop, da e khublei leh ya ka Sports Club ka Dieng Symmud wa ya waroh ka Dorbar Shnong Pyllun wa ya ka Sports Club ka chnong  Mawbsein, ya u Medical Officer ka Kyrdem PHC wa ki bru yong oo, ka dorbar chnong Mawbsein yei e sñiawbha ya ki tiar ki tar ka chnong yow pynemkaam ha kani ka lympung, ka seiñ da e khublei ko leh ya u SDO ka PHE wa smat ki wow pynbiang ya ka um wow pynemkaam, wei khaddooh da e khublei ya ka District Administration lyngba ka Deputy Commissioner ka Ri-Bhoi kawa da e bor wow pynman ya kani ka ka lympung ki khon khynroo ka Seng Khasi Seiñ Raij kawa jop.

Share this:
Previous

Emkaam wow em noh da ka Price Fixation Committee wow pait yei ku dor syndet i doh masi

Next

Daw rah ka HSPDP hakhmat u Conrad yei eh ka chnat Bordiñ