15 49.0138 8.38624 1 0 4000 1 https://wyrta.com 300 0

Da pynman yaka pynsñiawthooh yei emkaam wow sumaar ya ki khmat ha Jowai

0 Comments
Advertisement ad1

Jowai: Ka yung krehkam u District Medical and Health Officer, West Jaiñtia Hills ynne ka sngi da kynmoo warom ki yaka 20th World Sight Day ha Jowai hajrong ka phang ‘Vision First’.

Kani ka World Sight Day toh kawa da kynmoo yaka man u snem haka sngi wa soo ka tayaw wa ar u Naichiphaw da ka thong yow pynsñiawthooh paidbah ya ki chitom ki khmat nadooh i thlah wa kiwi kiwi de ki chitom ki khmat wei da sdang nyngkong yaka daka Lions Club International Foundation kam chibynta ka Sight First Campaign ha u snem 2000.  

Advertisement ad1

Ka R. Manners, Additional Deputy Commissioner kawa man kam ka kongsan ha kani ka sngi da klam ko yei emkaam wow sumaar ya ki khmat neibhah kamwa ong i ktien i khmat toh ka dwar cha i mynisen ki bru. Da ong ko wa phang wa ong ‘Vision First’ toh kawa emkaam bha yow pynsñiawthooh yei emkaam wow sumaar u syndong ya ki khmat kamjooh yow rah ya kani ka khubor cha kiwi leh yow pynkynmoo ya ki wow sumaar ya ki khmat yong ki. Da pynkynmoo ko ya ki khynnah wa emlang ha kani ka sngi wym tooh u pynemkaam palatpood yaka Computer wei wow mih cha lait yow yoh i khmat ki wow chong ngiah deiwa lai ke cha ki thaw wa em ki dieñ ki thaw wa yirngam.

Yow pynsñiawthooh paidbah chaphang i chitom ki khmat, da pynman leh yaka lai paidbah kawa da chimbynta lang da ki khynnah skur, ki Doctor ka DMHO, ki ASHA kawa da kaweh lama da ka kongsanka R. Manners. Kiwa chimbynta da lai ki deiwa kdoh tymmoh that ya i khmat yong ki deiwa rah lang wa ki kotrben kiwa em ki ktien wa thoh chaphang i sumaar yei khmat, wei i lai kjat da sdang ki nadooh madan Dai Masi Ladthadlaboh hadooh ka Lumpariat Community Hall, hadien ini da pynman leh ya ka yalang pynsñiawthooh paidbah, ka Eye Check Up wa ki yakob wei da saam leh ya ki khusnam cha kiwa jop haka yakob chna Poster.

Yaka yalang da pyllai da ka Dr. (Mrs) J. Shullai, Medical Officer I/c Ladthadlaboh Urban Health Centre. Ya ki klam chaphang wow sumaar ya ki khmat da e da ka Dr. (Mrs) V.J. Laloo, District Nodal Officer NPCB&VI waka Dr. (Mrs) C. Nongtdu, Ophthalmologist Jowai Civil Hospital Ialong

Kiwi de kiwa da emlang toh ka Dr. (Mrs) S. Warbah, Consultant Urban Health Centre, Dr. (Mrs) H. Uriah, ki dkhot ka Lumpariat wa ki khynnah skur.    

Advertisement ad1

0 Comments

Leave a Reply