October 18, 2019
Jowai: Haka yalehke Super Division ka WJDSA kawa tip leh kam ka U Kiang Nangbah Memorial Trophy, ynne ka sngi ka Khimusniang SC da yachem ko waka Sabah Muswang SC.
Ha kani ka yalehke, ka Khimusniang da jop ko yaka Sabah Muswang da 3-1.
Ya ki kool ka Khimusniang da thap da u Wandame Rymbai haka minit wa 27, u Darimitre Syih (Penalty Kick) haka minit wa 40 wa u Daiakmenlang Dkhar haka minit wa 53.
Yaka Sabah Muswang da thap kool da u Damechwa Dkhar haka minit wa 58.
Mynstep ka 19 tarik ka yalehke u man ko haka 1st Division hayprdi ka Moosyiem SC waka Chilliangraij SC heipor 2:30 i sngi.
Haka Super Division won ki yalehke kiwa hap kyrriah tarik ini wa da dep u pyndep ya ki haka 25 tarik uni u bnai heipor 2:30 i sngi hapyrdi ka Sabah Muswang waka Chutwakhu, pynbood won haka 26 tarik da ka yalehke hapyrdi ka Khimusniang waka Moosalyngkat ha i por 2:30 i sngi.
