November 19, 2022
Ka 4th Evening Super-4 Football Tournament 2022 wa pynman da ka Sports & Youth Affairs Committee ka Chutwakhu Social Welfare Local Durbar, Jowai ynne i miet dapoi ko cha wakut da ka yakhun Final hapyrdi ka Spartan waka Dongmihsngi Junior’s.
Ka yakhun Final da man ko kawa yoosuk wei da pynchongchit bha ko ya kiwa wan paitke nadooh ka kylla step hadooh ka kylla miet.
Advertisement
Tangwa yaka jar da yoh u pynkhih du da ka Dongmihsngi Junior’s donhi ha waroh ar kylla kawi toh haka minit wa 16 wa da thap kool da u Ewanmi Da Oo Langstang, ka kool wa ar won da thap da u Dawan Monmi Mynsong haka minit wa 41.
Kamtæ ka Dongmihsngi Junior’s da yoh rah syndon ko yei naam jop deiwa pynrem da 2-0 yaka Spartan.
Hadien ka yalehke da saam ya ki khusnaam deilang ka songpoisa kawa T. 20,000 cha ka liang wa jop wa T. 10,000 cha ka liang wa rem.
Da saam leh yaka khusnaam Top Scorer cha u Jerrimon Shylla uwa yalehke ka Spartan uwa da yoh wow thap hadooh 12 tylli ki kool ha kani ka lympung yalehbol.
Advertisement
