Shillong: Neidaw wa em wa yoh COVID-19 kamjooh wa da em kiwa em hei maa wow yoh ya uni u khñiang ha ki yung sah (Apartments) ha Central Bishnupur wei yow ye u leh yeiwa emkaam yow yada ya ki paidbah.
Ka District Magistrate, East Khasi Hills District, da pynmih hukum ko haka 2 tarik uni u bnai yow pynneh yaka hukum pynman Containment Area ya ki Apartments ka Sunita Sohtun wa u P.N. Jaiswai ha i yung (Building) u L.B. Rapthap wa em pyrchah ka Benz Residency, Central Bishnupur nadooh ka 2 tarik uni u bnai.
Da pynbna leh wow pynneh yei man Containment Area ya ki yung u Gopal Thapa, Laxmi Sunar, Roma Devkota, Pooja Thapa wa Nimmi Chettri ha Nepali compound, Rilbong.
Da pynman Containment Area leh yei yung ka C. Nongpiur, Clary’s Cottage, Dong Shilliang, Lower Lumparing. I yung u R. Bhattacharjee, Rajendra Bhavna, W-27, H-11, Riat Laban East, Madan Laban wa i yung ka L Wann (Second Floor), Streamlet Road, Laban.
Neidaw won wa em uwa yoh COVID-19 wa psiah ha Manoj Hardware Store, (hajan Sohra Bus Stand), Mawlonghat, Shillong da phah khang chipor ya ini i dukan hadooh wa pynmih hukum da kamwi.
