Ka sorkar pyrdi angnood ko wow chna noh ya ka National Fisheries Policy neibynta wow pynku ya ka kaam psan dakha hapoh ka ri.
Kani ka Policy u kynthup ko leh ya ki kyndon wa em hapoh ka National Policy on Marine Fisheries, 2017.
Kani ka National Fisheries Policy u yarap ko ya ki paidbah.
Ka sorkar da booh ko T. 560 klur wow pteiñ ya ka ‘Blue Revolution Scheme’ neibynta u snem 2020-21 wow pteiñ ya ki kaam wa yatoh wa i psan dakha.
Chooh chooh ka sorkar da booh ko leh ya ka Fisheries and Aquaculture Infrastructure Development Fund (FIDF) ha u snem 2018-19 heiwa ka poisa wa da booh man ko T. 7,522.48 klur neibynta san snem.
Chooh chooh ka sorkar pyrdi ha ka mang poisa (Union Budget) yong u snem 2019-20 da pynbna ko ya ka scheme thymme wa tip kam ka Pradhan Mantri Matsya Sampada Yojana (PMMSY) heiwa daw pynlut kamwa T. 20,050 klur neibynta san snem nadooh u 2020-21.
Ya ini waroh da khana da u montri khynnah ka sorkar pyrdi wa pait ya ka chnat Fisheries, Animal Husbandry and Dairying, u Pratap Chandra Sarangi ha Lok Sabha ynne ka sngi.
Discussion about this post