15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da pynskem ya kiwa kitkaam ka KSU Barak Valley Circle, Assam ha ka 11th Annual Meet 2018

0 Comments
Advertisement ad1
Advertisement ad1
Advertisement ad1
Advertisement ad1

Jowai: Ha ka chi tarik uni u bnai ka Khasi Students Union Barak Valley Circle sa chisien ha uni u snem da pynman ki ya ka yachemlang yong ki paaid Khasi kiwa chong wa sah hapoh Barak Valley, Assam kawa tip kam ka 11th Annual Meet 2018.

Kani ka yachem yong ki paaid Khasi toh na waroh le tylli ki District kiwa haap hapoh ka thaaiñ Barak Valley kitæ ka Cachar District, Hailakandi District wa ka Karimganj District. Ya ka yalang da pynman ha District Library Hall Silchar.

Advertisement ad1
Advertisement ad1

Ha kani ka sngi da embynta lang kiwa kitkaam ka KSU Central Body, kiwa yahkhmat ka KSU Jaiñtia Hills District, u President ka BVKJWO u Charles Rymbai, u Moses Kharbithai Professor ka Assam University, u Vice President ka All Dimasa Student Union, u Daniel Khyriem President warim ka KSU wa kiwi kiwi ki bru pawkhmat.

Ha kani ka yalang da yoh yei chaad tynre na ki dkhot ka KSU kiwa puræ ha Silchar wa kiwi kiwi ki yalehke waphær waphær kiwa pynyapbiej ya ki paidbah kiwa wan cha kani ka yalang.

U Daniel Khyriem hawa e i klam haka yalang da ong u wa ka KSU ym jooh ieh ko ya ki paradoh parasnaam kiwa em cha baar ka Bri U Ynñiawtrep. Neitæ i daw ka seiñ deilang waka NESO wa ka ASSU u yaleh chitom ki wow wow pynpsiah pyrtuid ya ki pyrtuid ki Khasi waroh kiwa chong wa sah hapoh ka jylla Assam wow em pyrtuid ki hapoh ka NRC ka Sorkar Assam.

Da ong u leh wa da yoo sakhiat yei kreh chitom yong ki paaid Khasi kiwa em hapoh ka Barak Valley wow ya tylli khamtam ka KSU Barak Valley Circle kiwa da kreh chitom ya kiwa boon ki kaam, kamtæ kiwa em hapoh Shillong toh u kreh chitom ki boon chah.

Chooh chooh da ong u wa hawa man kam kiwa yahkhmat da tip wa em boon ki moochynthut hanlada kattæ leh ymtoh u tieñ wei ka KSU da em ko da ki lak ngut ki dkhot kamtæ lada kawi ka tnat yong ka kheiñ næ chah pynthut heini, waroh ki lak ngut man ki kiwa smat wow wan hiar cheini.

Da ong u leh wa ka KSU man ko kawa smat wow e da i snaam da i doh ha kawon kawon ka yaleh kawa emkaam.

U Vice President ka All Dimahasa Student Union won da ong u wa sñiaw kam chi payu para waka KSU wei da em chwa i sñiaw jan wei neini i u ya yakrehlang.

Da yaroh u leh ya ka KSU wa ya ki kaam yong ka khamtam yeiwa ye ko u jop ha kiwa boon ki kaam wa yakhih ko.

“Ka KSU man ko ka seiñ ki khynroo wa puræ wa khlan tam hapoh ka thaaiñ Mihsngi,” da ong u Vice President ka ADSU.

Kiwi de kiwa klam ha kani ka sngi toh u Garland Shadap Manner Asst. General Secretary ka KSU JHDU, u Morning Suja President ka KSU Barak Valley wa kiwi kiwi ki bru waheh.

Ha kani hi ka jooh ka sngi da yoh leh ya ka pynbaam smai ya kiwa kitkaam wa pura yong ka KSU Barak Valley Circle neibynta ka samoi krehkaam 2018-2021 da u Manly Nongpluh Finance Secy. ka KSU Central Body.

Kiwa kitkaam kiwa da chah pynskem man ki kamni ha wah:

Uncontested Post President: u Morningstar Suja

General Secretary: u Evan Suchen

Elected Post Vice President District Wise (Karimganj, Hailkandi and Cachar): u Walton Rymbai, u Blessing Talang wa u Roland Shadap

Asst. Secy. District Wise (Cachar, Hailkandi and Karimganj): u Khyrsan Lamin, u Manar Shylla wa u Kroswel Amse

Finance Secretary: u Jumem Khongmuit

Education Secretary: u Jhorna Syrti

Organising Secretary: u William S Lyngdoh

Cultural Secretary: Theresa Syih

Publicity Secretary: u Markus Tariang

Environment and Employment Secretary: u Manbha Sympli

Sports Secretary: u Philimon Buam

Discipline Secretary: u Sunila Lamare

Advertisement ad1
Advertisement ad1

0 Comments

Leave a Reply