September 3, 2018

Yoh kem ki pulit ka ANTF ya u bhang wa khia 896 gram na kawi ka kari kamai na Ummulong

Advertisement ad1

Jowai: Hadien wa yoh yutip wa tikna, ki pulit ka Anti-Narcotics Task Force ka WJH hapoh i yahkhmat u SI Pradeep Das da yang khap ki ya kawi ka kari wa kit bhang ha Ummulong Beat House.

Heipor 5 waje i janmiet da wan kawi ka kari neiliang Shillong ka Maruti Alto 800 kawa em ya u number ML-04C-4887 wa yah da u Sonme Nanglein uwa 22 snem wei da chem ki pulit ya u bhang wa khia 896 gram napoh kani ka kari kamai Tourist.

Hadien ini ki pulit da li kem won ki ya ki ar ngut kiwa da suba wa toh wow chimkti ya uni u bhang na Iawmusiang kiwa tip kam u Chantre Niangti (20 snem) wa u diah u u Daphimanbha Niangti (18 snem) kiwa na Wahnangbah, Jowai

Ki pulit ka ANTF dang pynman ki ya ka takit yow tip neiwon yoh ya uni u bhang na Shillong wei da pynngat ya kiwa emkti hapoh ka aiñ Narcotic Drugs and Psychotropic Substances Act, 1985.