Ka Voice of the People Party (VPP) ha ka 29 tarik uni u bnai ha ka yalang wa da pynman ha Community Hall ka Dorbar Chnong Lumshnong da yoh ko wow pynskem ya kiwa kitkaam wa pura yong ka Party hapoh ka Narpuh MDC Constituency ka wow tip kam ka Voice of the People Party, Narpuh Circle deiwa emlang u MLA ka Mawlai Constituency, u Brightstarwell Marbaniang wa kiwi de kiwa yahkhmat ka Party kamjooh leh kiwa chong chnong yong ka thaaiñ Narpuh.
Ya kiwa kitkaam da pynskem da u Organizing Secretary ka VPP East Jaiñtia Hills, u Damewanhi Rymbai heiwa jied ya ka Deiwi Tongper kam ka President ka VPP Narpuh Circle.
Waroh kiwa kitkaam ka Party man ki kamni ha wah:
President- Ka Deiwi Tongper
Vice-President- U Yoomiky Kyndait
General Secretary- U Dauniki Dhar
Assistant Secretary- U Spaiñlin Nongrum
Organising Secretary- U Keldrim Sumer
Finance Secretary- Ka Finzy Mary Ksih
Treasurer- Ka Hutmon Dhar
Da jied leh ya 8 ngut ki Executive Member wa ki spah ngut ki dkhot kiwa da yoh u pynskem kiwa da wan na kylleiñ ki chnong ka thaaiñ Narpuh.
Neiliang u MLA ka Mawlai da e u ya ki kyntien kyntu kynpham wa ki kyntien e mynsien ya ki dkhot yong ka Party wei kamjooh leh da kyrkhu kyrdoh u ya kani ka Circle wow neh skem ko yow ye u lai chakhmat ha ki kaam ki jaam yong ka Party wei wow kyntu yaka thaaiñ wa yaka ri wa jaitbru hi waroh kawi.
Discussion about this post