Ki MLA ka Meghalaya kiwa dang chah jied cha ka yung dorbar chna aiñ wa khat-wi ka jylla, da pynsmai ya ki ynne ka sngi da u Protem Speaker, u Timothy D Shira.
Ki MLA da wan ki chakhmat uwi hadien uwi katkam ka sarin wa da e pyrtuid ya ki Constituency deiwa sdang chwa da u MLA ka 1-Nartiang Constituency, u Sniawbhalang Dhar kiwa da puræ yei smai deiwa kular wow pyndep hok yei kaamram wa da pynkit ha ki.
Neiliang u Protem Speaker da pynbna u leh ya ki MLA wow man kam ki dkhot ka Panel of Chairman neibynta ka Special Session 2023 wa kynthup ya u Thomas A Sangma, u Marcuise N. Marak, ka Dr. M. Ampareen Lyngdoh wa u Charles Pyngrope.
Ya ka sorkar wa thymme won daw pynsmai mynstep ka sngi ha Raj Bhawan, Shillong heiwa daw wan sakhilang wa u Prime Minister ka ri, u Narendra Modi wa u Home Minister ka ri, u Amit Shah.
