Jowai: Ka BJP yong ka West Jaiñtia Hills District hapoh i yahkhmat u Marki Mulieh, District President ka seiñ da thung u ya kiwa kitkaam wa pura ka Bharatiya Janata Yuva Morcha (BJP youth wing).
Ya ini da leh ha ka 5 tarik uni u bnai ha yungkrehkaam ka party wa em ha Jowai.
Ha ini da jied ya u Arborlang Nongsiej kam u District President ka BJYM West Jaiñtia Hills, ki Vice President u Heiborki Suchiang, u Heibormi Dkhar, wa u Wamlambok Shylla. General Secretary u Jimmy Tariang, u Chandameki Iakai, Treasurer u Wanraplang Laloo, ki Secretary u Marban Pakma, u Riwan Passah, u Return Bareh wa u Siandur Dkhar katwa ya ka Social Media u pait da u Heimonmitre Pyrtuh.
Da jied leh ya ki 25 ngut ki Executive Members na ki Mandal waphær waphær na ka District.
Discussion about this post