15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da pynthymme ya kiwa kitkaam ka Rotary Club Jowai

0 Comments
Advertisement ad1
Advertisement ad1
Advertisement ad1

Jowai: Ka Rotary Club Jowai toh kawi na ki seiñ kreh monsñiawbha wa em ha kylleiñ ki ri yong ka pyrthai kamtæ wow yoh bhah yoh byntalang da waroh ki dkhot hei wow kreh yei kaam hapoh ka seiñ na ki snem cha ki snem ha ka sngi 6 tarik uni u bnai da khut ya ka yachemlang wa tip kam ka 25 Installation Ceremony of Rotary Club Jowai ya kawa da pynman ha yung-krehkaam ka seiñ wa em ha Loomsooyung, Jowai.

I thmu yong kani ka yachemlang toh wow pyntipmit ya kiwa ksohkaam yong ka Rotary Club Jowai neibynta u snem 2019-20. Ya kani ka janmiet dawan sakhilang da u Rotarian Barnabas Nangbah MPHF Major Donor kam u kongsan wa ka Rotarian Ester F. Gatphoh MPHF AG Zone-XRID 3240 kam ka symbood kongsan.

Advertisement ad1

Ha kani ka janmiet chiteiñ ka yalang da pynlai da u Rtn. B. Paka Najiar PHF heiwa da yoh yei kyntien pdiang burom na u Rtn. Rudolf E. Laloo, Director International Service, i khana pynsñiaw yei krehkaam kyllum ka seiñ neibynta u snem 2018-19 da e da ka Rtn. R. Susngi, Secretary katwa ya ki kyntien sñiawngooh ha ka bynta wa kut da pachat da u Rtn. K. Pakma, Director Community Service.

U Rtn. B. Paka Najiar hei e kyntien kam u President yong u snem 2018-19 iwa hakhmat e u i sñiawngooh ya waroh ki dkhot ka Rotary Club Jowai deiwa ong leh wa iwon iwon i kaam iwa ye u pyndep ha kani ka pali yong oo kam u President toh i krehlang yong waroh ki dkhot. Neitæ chooh chooh da khana u leh wa dang em chiboon ki kaam kiwa sahteiñ wei da kyrpaad u leh ya kiwa yahkhmat wa thymme yong u snem 2019-20 wow chimkhia ki u booddien  neibynta i burom ka seiñ waroh kawi.

U Rtn. J.M. Pohsngap RFSM ha kani ka yalang da yieñ u leh wow pyntipmit ya kiwa kitkaam ka seiñ neibynta u snem 2019-20 wei ya ka bynta yong i pynkhamkti ha ki yeini i burom da pyndep da u Rtn. Barnabas Nangbah deilang wa ka Rtn. Ester F. Gatphoh.

U Rtn. J.M. Pohsngap RFSM hei e kyntien kam u yahkhmat yong ka Rotary Club Jowai neibynta u snem 2019-20 iwa hakhmat e u i yaroh yow Rtn. B. Paka Najiar uwa ye u kreh chiboon ki kaam neibynta i burom ka seiñ waroh kawi. Ki kyntien chon yumut yong u Rtn. J.M. Pohsngap ya waroh ki dkhot toh kiwa ong u kamni pyndooh yei mynsien atnood, bichni wei yakrelang chirup yow poi cha ka thong.

Ka Rtn. Ester F. Gatphoh won hei klam kam kawi na ki dkhot ka seiñ kawa da embhah wow em bynta ha kiwi kiwi ki Rotary ong ko wa dap ko dei ka-it mynsien wow yoo wa ka seiñ da yoh ko ya ki dkhot wa em mynsien u kreh neibynta ka imlang sahlang neitæ chooh chooh e ko leh ki kyntien sneiñ kyntien kroo wa ki kyntien e mynsien ya waroh ki dkhot ka seiñ.

U Rtn. Barnabas Nangbah MPHF Major Donor, da ong u wa ka Rotary Club Jowai kattu u kynjoh i lai luti ko cha u moomær wa 25 tylli ki snem wei man ko leh kawi na ki Rotary kawa ye u leh chiboon ki kaam neibynta ka imlang sahlang kamtæ neini chakhmat emkaam chooh chooh wow pynmiat pynbha yei rukom krehkaam yong ka khamtam ha uni u snem da booh thong wow kreh ya ka um wa i khooid i jngiar (Water & Sanitation) toh iwa ha khmat dooh u leh ka Rotary ha kylleiñ ki chnong ki thaw neibynta i miat i bha yonglang. Iwa khaddooh e mynsien u ya ka Rotary Club Jowai waroh kawi deiwa ong booh i tyrwa ya ki kaam watoh u leh wei neiliang yong oo daw thooh laad thooh luti u wow yarap kat i bor wa chah ya oo.

Share this:
Previous

Hadooh 158 tylli ki Case Register ki pulit ha uni u snem ha WJH: Lakador Syiem

Next

Sdang ki dong ki chnat u pynkhreh ya Ki Rot–Ki Rong ha Jowai