15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Sdang ki dong ki chnat u pynkhreh ya Ki Rot–Ki Rong ha Jowai

0 Comments

Jowai: Kamwa ki sngi ka tayaw yong ka Chaad Niam Behdieñkhlam ka Raij Jowai u man ko nadooh ka sngi Pynsiñ ka 11 tarik Naiynñiaw 2019 wei wow kut won ko ha ka Muchai ka 14 tarik uni hi u bnai, kamtæ da yoo leh wa ki dong ki chnat kiwa em bynta ha kani ka Niam Behdieñkhlam da sdang ki u boonkam nadooh ki kynthai khynnah wa em ha yung ha sem watoh u pait yei khooid i jngiar katwa ki chynrang won ha Yungwalieh boonkaam ki hei wow pyntoh pyntne yei yong i rot i rong iwa man chibynta wow pynphooh pynphieñ ya ka chaad ha ka sngi pynkut ha Syiem Aitnar.

Booddien u sakhi yei pynkhreh pynkhrum ya ki rot ki rong da ki khon ka Niamtre ha man ki Yungwalieh, yoosuk yoo chongchit u chem wa ki waheh wasian, ki khynroo wa ki khynnah chimbyntalang ki wow pyntoh pyntne yei rot i rong iwa man ha ki dur ki rukom waphær kiwa em leh ha ki yei yumut wow e wyrta khubor hakhmat ka pyrthai ha ka sngi pynkut ya ka Chaad Niam Behdieñkhlam yong uni u snem ha Syiem Aitnar.

Kajiak chaphang ka Behdieñkhlam, kani toh ka Chaad Niam kawa da leh da pyndep da ki khon ka Niamtre ha ki kattu katni tylli ki Raij ki chnong kam ha Chyrmang, Jowai, Tuber, Ialong, Muthlong, Sohkymphor wa Mukhla wei man ko leh ka Chaad Niam wa bna naam yong ka ri-loom Pnar kawa ya lailang chirup wa ka Niam katkam ki hukum adong u Trekirot yow khon Niaw-Wasa Wasung. 

Ha Raij Jowai chwa wow poi ka Chaad Niam Behdieñkhlam u Dolloi, u Pator, u Langdoh, ka Langdoh, ki Sangot ki Wasan deilang ki Kñi na ki kattu katni ki kur em ki ka bynta wa kyrpang hei wow pyndep yei kñia e ngooh e dem, e bhet e bhar waphær neibynta i burom u Trekirot wa ki Blai chnong Blai Raij yeiwa da yoh ki khon ka chnong ka Raij yei kyrkhu khyrdoh wei imsuk imsaiñ wei wow paan-maap paan-khem won yei lait i let i tam i duna kamjooh leh wow kyrpaad kyrpon yow theh won u Trekirot yei kyrkhu khyrdoh neibynta i biang i toh i tne, i chongsuk chongsaiñ wei roi i paar ki khon ka chnong ka Raij ha waroh ki liang.

“Da ood dathai i sur ka bom ka bhuri

Kynræh hei man wei sñiaw uwi pa uwi.

Soosngi –Le Yaw to pyndep hok deiwa Sarot

Heimon i khe u Trekirot.

Chaad Niam Behdieñkhlam Wasuk Wakmen yaphi waroh

Yei man Sarot yong ka Kune-Ksoh”

Previous
Next

0 Comments

Leave a Reply