Da pynthymme ya kiwa kitkaam ka UDP Youth Wing Darrang Unit

Jowai: Ka UDP Darrang Unit kawa haap hapoh ka 7- Amlarem Constituency da pynman ko ya ka yalang paidbah ha ka 10 tarik uni u bnai ha ka chnong Darrang wow jied ya kiwa kitkaam wa thymme yong ka UDP Youth Wing Darrang Unit.

Ha kani ka yalang da emlang u President ka party ka UDP Darrang Unit u Jim Ryngksai, u General Secretary u Reachingson Kongwang wa ki Executive Member deilang wa kiwa e buit yong ka unit u Arness Pohti wa u Shui Pohti.

Kiwa kitkaam thymme ka Youth Wing toh u Treiborlang Rahul Suchen kam u President, u Lucas Pohti kam u General Secretary , Asst. General Secretary u Keeper Pohti, u Songki Ryngksai kam u Vice President, u Trek Suting kam u Treasurer, u Haingkiman Ryngksai kam u Organising Secretary, u Friday Ryngksai kam u Publicity Secretary. Ki dkhot yong ka Executive Committee toh u Victor Lamin, Armstrong Suchen, Precious Suchen, Hepti Syngkrem, Jil Pohti, Renew Kongwang, Lucas Rymbai, Dame Pohti wa u Genius Lamin.

U President thymme yong ka UDP Youth Wing Darrang Unit u Rahul Suchen deilang wa ki dkhot wa thymme da pynche paidbah ki hajrong ka yurim wa ka seiñ UDP yieñ ko wei man ko ka seiñ ri-loom kawa heh hapoh ka jylla Meghalaya kawa da soohthied ha kylleiñ ka ki Ri-loom Khasi, Jaiñtia wa Garo.

Related posts

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Ym pynyieñ kyrtong MDC ka KHNAM na JHADC

November 28, 2024

U President da ong u wa ki daw wa ki khynroo khyllood kyruiñ ki cha ka UDP toh neidaw wa man sakhiat ko ka seiñ wa em yurim wa skem wei che wa ki paidbah ki chaniah ki ha ka neibynta ka roi ka paar yong ka chnong wa ka Constituency hi waroh kawi wei khamtam leh ya ka ri wa ka jaitbru neibhah wa kani ka Party leh em ko kiwa yahkhmat wa stat wa sian kam u Paul Lyngdoh, Dr.Jemino Mawthoh, u Embhah Syiemlieh, u Joe Marwein kiwa jooh man kam kiwa yahkhmat seiñbhalang ha ki por wa nachwa kiwa pyrkhat jngai wei ya ka jaitbru khamtam ya ki khynroo khyllood.

U President da ong u leh wa ki khynroo khyllood ka chnong toh kiwa stat wow jied ya kiwa mihkhmat ha kani ka Election cha ka yung Dorbar chna aiñ thaw ain deiwa ye ki u e ya ka kyrchaan wa pura ya u kyrtong yong ka seiñ UDP u Lahkmen Rymbui uwa da jooh man leh u MLA warim ka Amlarem wei man u u kyrtong uwa pyrkhat sakhiat ya ka thaiñ Amlarem ha ka roi ka paar, ka laad yoh kaam yoh jaam, ka puræ puthi, ki thaw sumaar wa kiwi kiwi.