Jowai: Hadien wa khlad noh u President ka EJNC u Shanbok Syad wa i iehkaam noh u Pillar S Phawa kam u President ka WJNC, neiliang yong ka High Level Council (HLC) ka seiñ da rai ko wow pyndooh noh yaka EJNC waka WJNC wow jied noh ya kiwa kitaam wa pura yong ka JNC donhi.
Da pyntip wa daw pynman ya i jied thymme ya kiwa kitkaam wa pura yong ka JNC-Seiñbei ha kani ka 10 tarik uni u bnai kam ka dak wow kynmoo warom yei dap 2 snem i lai luti ka seiñ ha Lad-Rymbai Mid-Valley Hotel heipor 2:00 waje nohchariñ ka sngi.
Katwa kamtæ da kyntu ya kiwa kitkaam wa ki dkhot yong ka seiñbei wow yamih ha kani ka sngi kamjooh ya ki President\Secretary yong ki Unit\Circle ka JNC wow yawan khlem pep ha kani ka sngi.
Daw em leh i saam yaki song yarap ha kani ka sngi chaki Unit\Circle neibynta wow lehkmen ki yaka lyngkhooh dap 2 snem ka seiñ katwa joh i bor yong ka seiñ.
Ha kani ka sngi daw em leh i pynbait wow pynskem ya ka Constitution yong ka seiñ wa da pynkhreh da ka Ristina Nongtdu, Education Secretary ka JNC.
Kani toh katkam ka khubor na u Sambormi Lyngdoh, General Secretary ka JNC-CB.
Discussion about this post