Ka AYUSH Ministry ka sorkar pyrdi da pynmih ko ya i dawai Ayurvedic wa tip kam i Ayush-64 wada chna daka Central Council of Research in Ayurveda and Siddha (CCRAS) neibynta wow yarap hei wow sumaar ya ki bru kiwa yoh ya u khñiang COVID-19, khamtam ya kitu kiwa ym pu em joor i kjut næ kiwa ympu em u mih ki dak ki chin (Asymptomatic, mild and moderate cases).
Ini i dawai em i ya i bor u yaleh pyrchah ya ki khñiang Virus (Anti-Viral Property), kamjooh leh pynkhlan i, wei yada i ya i doh i pran.
Katkam wa da phah daka Ayush Ministry, ka North Eastern Institute of Ayurveda and Homoeopathy (NEIAH), Shillong, deilang waka Seva Bharati Meghlaya da sdang ki u saam ya ini i dawai cha ki bru kiwa yoh ya uni u khñiang.
Ya ini i dawai ye u yoh na ka OPD Center yong ka North Eastern Institute of Ayurveda and Homoeopathy (NEIAH), Shillong, nadooh 10:30 i step hadooh 4:00 i janmiet nadooh ka Dep Sngi-Bibar (Monday) hadooh ka Thohdieñ.
Ya ini i dawai ye leh u pynpoi cha yung wei ya ka yutip wa bniah ye u phone ha u Number: 8638623464, 9366540943, 7641040607, 6001246119, 7005790691, 8259965622.