Ki 35 ngut kiwa rep na North Garo Hills da chalan ki hadooh 15 MT ka ladaw cha Patna, Bihar lyngba ka Himalayan Trader kam chibynta i pyrchang wow pynku yei yoh i laa kiwa rep na thaaiñ Ri-loom Garo.
Ya kini ki ladaw da pynlang wei kit da ka Dijako Agro Producer Company Limited, kawa thied ya ki mar neibynta kiwa dai soh ha Patna.
Ini daw yarap i ya kiwa rep wow pynku yei yoh i laa deiwa pynpoi ya ki mar yong ki cha ki yaaw ki haat wa rap heh yow tip ki leh u yadait dor deiwa myntoi ya ki hi.
U Chairman ka MNREDA, u Rupert Momin da ong u wa ini da leh khnang wow lait kiwa rep u chaniah du ha ka yaaw wa em ha ka jylla.
Chwa ini da kit 150 MT u syiñ, 30 MT u satrooiñ wei kattæ da pyrchang sa ki ladaw.
U Director ka MNREDA u Dr. Joram Beda da ong u wa ini u krehkaam i katkam ka Farmer–Aggregator–Institutional Buyer Model ka wow pynmyntoi ya kiwa rep.
Discussion about this post