Yooluti wow yoh Rs. 10 klur na ka ram wym em su ka sorkar pharæng cha ka yung ka sem uwa na Madhya Pradesh

Ka Loan Certificate wa 109 snem wa e ram ya ka sorkar pharæng da wanrah ko yei kyrmen ya ka yung na Madhya Pradesh, kawa da e ram Rs 35,000 neibynta ka Thma Bah I (World War I) heiwa ya ka ram da e ha u snem 1917 wei ka yung da yoh jubab ko na ka Debt Management Office (DMO) ka Great Britain.

U Vivek Ruthia uwa 63 snem na Sehore, Madhya Pradesh da ong u wa ka yung u da lai ujor ko ha ka sorkar Britain wow tip chaphang kani ka ram kawa ympu dep su hadooh katni. Neiliang u muktiar ka yung da yoh u ya ka email na ka DMO wow paan Copy yong ka sanad (Loan Certificate) wa kiwi ki kot wa emkaam.

Ka yung katni da pynkhreh ko wow phah ya ki kot cha ka sorkar Britain heiwa da chemdien ya kani ka ram wa da e lyngba ki kot ki sla.

Kani ka Sanad namo Certificate wa em tarik 4th June 1917, da em ko wa ka yung u Ruthia palat 100 snem heiwa da thoh wa u Seth Jumma Lal Ruthia uwa yatoh wa u Seth Rama Kishan Jaskaran Ruthia na Bhopal State, da e ya ka Rs 35,000 kam ka Indian War Loan ha ka Thma Bah I.

Da thoh leh wa u Seth Jumma Lal da e u Rs. 35,000 na ka Seth Rama Kishan Jaskaran Ruthia cha ka Indian War Loan iwa pynyoo yei kyrchaan ya ka sorkar pharæng (Government and Empire) wei da soi ya ka da u W.S. Davis, u Political Agent ha Bhopal.

Ka yung da ong ko wa ympu em u su pyndep ya kani ka poisa wei u Seth Jumma Lal Ruthia da yap u ha u 1937, wei ym chemdien wa da su ya ka wot hadien wa laitlooid ha u 1947.

Related posts

Chah kem i kiad pharæng wa chna ha Meghalaya wa khayi tooh cha Assam

August 12, 2026

Ha ka sien wa nyngkong u rwai ya i Vande Mataram ha Red Fort ha ka Independence Day

August 12, 2026

Kani ka ram wa Rs 35,000 wa da e ha u 1917 katni da antaad wa chongdor ko Rs 10 klur.

Hanlada ymtip lada ka sorkar UK u su ko ya kani ka ram tangwa ini waroh chong i ha ki kyndon ka ram wa da thoh ha ka sanad kamjooh kiwi ki sut.