Ka Meghalaya Health Systems Strengthening Project kawa em hapoh ka Health and Family Welfare Department da sdang ko ya ka “Adolescents Unfiltered” Podcast, haka sngi World AIDS Day haka yalang wa da pynman da ka Meghalaya AIDS Control Society.
Ya kani ka Podcast da wai da u kongsan, u Paul Lyngdoh, Montri ka chnat Social Welfare, Textile wa Tourism.
Neiliang ka Media & Communications Manager ka Meghalaya Health Systems Strengthening Project, ka Evanylla Marbaniang da khana ko chaphang kani ka Podcast deiwa ong wa ka thong kani ka Podcast toh yow e rynsan ya kiwa dang khai khynroo wow khana ki yeiwa da maad ki, yow yoh laad ki leh wow tip yei yong kiwi, ki laad yarap ya ki wei wow yoh u syllok na ki bru wa chemphang.
“I yaleh yong i toh wow yaklam yei chait i khiah deiwa yoh u yachem mar dei khmat wei da chem i wa i pun khon dang khynnah toh iwa emkaam bha u yaklam. Wei kani ka ‘Adolescents Unfiltered – True Talks, Unfiltered Stories’ Podcast toh kawi na ki laad wow pyndooh yeini i pun khon dang khynnah deiwa khana wei pyntip cha kiwa dang khai khynroo da iwa biang khnang yow tip ki iyi wa toh u leh,” da ong ko.
Ya kani ka Podcast ye wow ap ka ha Spotify, Saavan, Google Podcast, YouTube, Instagram wa kiwi de wei daw yaklam chaphang i chait i pyrkhat pyrdaiñ, i por dang khai khynroo, i chah pynbor ha ki lok, i yatoh wa kiwi deiwa yaklam khlem da murieh yeiwa emkaam yow lait nei murieh ya kini ki kaam wa ktah ya kiwa dang khynroo khyllood.
Kamtæ da pynchlur wow wan chakhmat yow yaklam ya kini ki phang wa emkaam.
Ya kani ka Podcast da pynlai ya ka da ka Evanjeline Thubru waka Emily Grazel Jyrwa.
Discussion about this post