U Montri Rangbah ka jylla, u Conrad Sangma da pyntip u ynne wa u Peter S. Dkhar ya uwa da thung kam u ksiang da ka sorkar wow klam yasuk wa ka Hynniewtrep National Liberation Council (HNLC) da sdang u yei kreh deiwa yachem ya ki kattu katni ki bru.
Da ong u wa da yaklam wa ki bru ki wow embynta ha i klam yasuk wei du hadien ini daw ye wow pynbait yei yaklam.
U Conrad da kyntait u leh wow khana bniah yei yaklam hapyrdi u ksiang wa kitæ ki bru neibhah ini ye i wow ktah ya i klam yasuk.
“Ym embynta O waroh chisngi heipor wa yaklam næ yachem ki,” da ong u Conrad deiwa ong leh wa iwa kongsan tam toh wa i kaam da sdang i wei daw lai i chaphrang wer pa wer.
Chooh chooh da ong u wa u ksiang toh uwa ye u wow khana bniah yeini i kaam, wei ka sorkar sñiawkmen ko wow yoo wa ki kaam da man ki kiwa lai chaphrang na waroh arliang.
