15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da sdang ka U-14 ka WJDSA

0 Comments
Advertisement ad1
Advertisement ad1

Jowai : Ha kani ka 12 tarik uni u bnai da sdang ka Under 14 Football Tournament ka WJDSA heiwa ha kani ka Lympung da wan chimbynta hadooh 11 tylli ki dhab ya kiwa da bhah ar bynta (ar tylli ki pool).

Ha kani ka lympung daw yaleh 30 minute chi kylla heiwa daw em leh 11 chilliang kiwa yalehke. Kiwa kwah u lai paitke ye ki u lai man ka sngi heipor 3 waje i janmiet ha Kiang Nangbah Stadium, Ladthadlaboh katwa ha ka Sngichohthat won daw pynyaleh le sien ka yakhun.

Advertisement ad1

Ha uni u snem waroh ki dhab kiwa wan yachim bynta toh kiwa wan na ka chnong Jowai lut.

Ynne ka sngi da yachem ka Dongmihsngi pyrchah ya ka Umchangiar heiwa ha ka kylla step da bakla thap ya ka goal ka Umchangiar pynda ka yaka hi na ka ball wa wan na u Rimiki Dkhar ha ka minit wa 11 yong ka yakhun.

Da yoh biang ka Dongmihsngi u thap ya ka goal wa ar ha ka minit wa 24 na ka ball wa chut da u Solangki Pala.

Katwa ha ka kylla miet won ka Umchangiar da yoh ko u thap goal lyngba u Wandao Lato ha ka minit wa 51. Kamtæ ka Dongmihsngi da pynrem ko ya ka Umchangiar da 2-1.

Share this:
Previous

Dang pteiñ i pyrchah ki Waheh Chnong ka Jowai ya u DC

Next

Ha Jowai Polytechnic wat ha ka juk thymme dang pynemkaam dei yongrim