Ka Meghalaya Chief Secretary, ka R.V. Suchiang ynne ka sngi da wai paidbah ko ya ka Nationwide Emergency Response System (NERS)/Emergency Response Support System (ERSS) kawa tip leh kam ka Dial ‘112’, ha ka yalang wa pynman ha Sadar Police Station Complex, Shillong deiwa emlang leh ka I. Nongrang, Special Director General of Police, Meghalaya, u Cyril V D Diengdoh, Secretary Home (Police) deilang wa kiwi de.
Kani ka Nationwide Emergency Response System (NERS)/Emergency Response Support System (ERSS)/Dial 112 toh ka thong krehkaam da ka Ministry of Home Affairs (MHA) ka sorkar India yow booh du uwi don hi u Emergency Number utæ u ‘112’ wa ye ki bru wow Phone ha iwon iwon i por wa chem chitom ki ha iwon iwon i jait wei ym du deiwa Phone ye leh wow phah da ki SMS, e-mail, i paan yarap lyngba ka App, Internet wa kiwi kiwi. Heiwa waroh kini u poi ki cha u 112, wei da booh leh ya ki thaw wow pna jubab yei paan yarap ki bru ha waroh ki nongbah ki jylla yow ye u pynpoi smat yei yarap hei por wa biang tam.
Neini chakhmat waroh ki Emergency Numbers kam ki 100 (Police), 101 (Fire and Rescue), 108 (Ambulance), 181 (Women and Child Care) wa kiwi kiwi daw psiah lut ki waroh ha u ‘112’.
Yow ye u krehkaam ha waroh kawi ka ri ya kani ka Nationwide Emergency Response System da em le bynta: Public Safety Answering Point (PSAP) kiwa pynkrehkaam hapoh ki nongbah ki jylla, ki District Coordination Centre (DCC) kiwa da krehkaam lang wa ki Emergency Response Units (ki kari wa da pyndait lang wa ki Mobile Data Terminal) wow pynyabi waka National Support Services (NSS) kawa em hapoh ka nongbah ka ri.
Ha Meghalaya ka Home Department da dep pynyoh ko 8 tylli ki Maruti Ecco Vans wei ka sorkar da chah ko ya ka chnat wow pynemkaam ko ya 12 tylli ki kari wa khian yow sdang ya kani ka NERS Project.
Kini ki kari wa da e cha ki District ka jylla man ki kamni: East Khasi Hills- 4, West Khasi Hills-1, Ri Bhoi-2, East Jaintia Hills-1, West Jaintia Hills-2, Eastern West Khasi Hills-1, South West Khasi Hills-1, North Garo Hills-1, East Garo Hills-2, West Garo Hills-3, South West Garo Hills-1 wa South Garo Hills-1.
Najrong kini ki kari, ki kari Highway Patrol ka jylla leh ye wow yoh yei pyntip yow lai e yarap wei da pyndait leh ya ka Mobile Data Terminal ha ki 13 tylli kini ki kari yow ye bait ki bru wow Phone ha u ‘112’ lada emkaam yarap ki.
