U Montri Rangbah ka jylla, u Conrad K. Sangma ynne da sdang u ya ka “Ginger Mission” sa ha Oragitok, Rongram Block ka West Garo Hills hei emlang u MLA, u Thomas A Sangma wa kiwi kiwi.
Lyngba kani ka Mission, daw pynku ya i pynmih sy’iñ wa boonjait i wow myntoi ki 40,000 ngut ki warep ka jylla.
U Conrad da pyntip u wa T. 121 klur da mang neibynta le snem yong kani ka Ginger Mission, iwa kynthup ya ki thaw song wow e sikai wa kiwi kiwi.
Da ong u wa i thong leh kani ka Mission toh wow pynmih sy’iñ na ka 60 MT chi snem cha ka 150 MT ha ka chi snem ha ki le snem wow wan.
Ha kani ka sngi da saam leh ya ki Cheque wa T. 27.60 lak cha ki 40 tylli ki Producer Groups (PG) namo ki seiñ ki warep.
Kam wow kdaw heini wa da em hadooh 287 tylli ki PG na ki 1876 tylli ki manyung kiwa da yoh yarap kamwa T. 1.8 klur ha Rongram Block.
